ئەمڕۆ هاوکاری دارایی هاوپەیمانان دابەشدەکرێت

PUKMEDIA

دینارى عیراقى

ئەمڕۆ  شەممە 14ى2ى2026 هاوکاریی دارایی هاوپەیمانان بۆ مانگی کانوونى دووەم دەست بە دابەشکردنی دەکرێت.

راگەیاندنی وەزارەتی پێشمەرگە رۆژى 12ى2ى2026 بڵاویکردەوە، کە دوای ئەوەی هاوکاریی دارایی هاوپەیمانان بۆ مانگى(1)ی ساڵی 2026 خرایە سەر هەژماری وەزارەتی پێشمەرگە، لەلایەن بەڕێوەبەرایەتى گشتى بوودجە و بەرنامەکان (ژمێریارى سەربازى) رێکارە دارایی و ژمێریارییەکان ئەنجامدراون بۆ ئەم مەبەستە رۆژی شەممە بەرواری (14)ی شوباتی 2026، دەست بە دابەشکردنی دەکرێت.

بڕی ئەو پارەیەی بەر هەر پێشمەرگە و ئەفسەرێك دەكەوێت، نزیكەی 72,000 دینارە و پڕۆسەی دابەشكردنی ئەو هاوكارییە لە رێگەی ئامێرەكانی (هەژماری من)ەوە دەبێت و پێشمەرگەكان دەتوانن لە رێگەی ئامێرەكانی ATM پارەكە وەربگرن.

بەگوێرەی زانیارییەكان، بڕی ئەو هاوكارییەی بۆ ئەم مانگە لەلایەن هاوپەیمانانەوە تەرخانكراوە، بریتییە لە 6 ملیار ‌و 331 ملیۆن دینار ‌و چاوەڕوان دەكرێت نزیكەی 90 هەزار ئەفسەر و پێشمەرگە لەو بڕە پارەیە سوودمەند بن.

PUKMEDIA