ئەمڕۆ لە هەرێم دابەشکردنی مووچەى مانگى یەک کۆتایى دێت

PUKMEDIA

دینارى عیراقى

پڕۆسه‌ی دابه‌شكردنی مووچه‌ له ‌هه‌رێمی كوردستان بۆ سێیە‌مین رۆژ و کۆتا رۆژ به‌رده‌وامه.

ئه‌مڕ‌ۆ شەممە 14-2-2026 لە هەرێمى کوردستان کۆتا رۆژى دابەشکردنى مووچەى مانگى کانوونی دووەمی فەرمانبەران و مووچەخۆرانە و بەپێی خشتەکە هەریەک لە، "پێشمەرگە(دیوان و لیواکان)، یەکەى 70و80، پۆلیسى دام و دەزگا نەوتیەکان، ئەنجومەنى ئاسایش و دەزگاى ئاسایش" مووچە وەردەگرن.

ئەمە لە کاتێکدایە، وەزارەتی دارایی و ئابوری هەرێمی کوردستان، رۆژى سێ شەممە 10ی2ی2026 لە راگەیەندراوێکدا رایگەیاند: بڕی 931 ملیار و  257 ملیۆن دینار وەک تەمویلی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عیراق.



PUKMEDIA