پێكدادانەكانی رەقە كوژراو و برینداری لێدەكەوێتەوە

هاوار نیوز

پارێزگای رەقە

بەهۆی شەڕو پێكدادانەكانی نێوان هێزەكانی حكومەتی كاتی سوریاو چەند چەكدارێكی نەناسراو لەپارێزگای رەقە، ژمارەیەك سەربازی حكومەت كوژراون و ژمارەیەكی دیكەش برینداربوون.

ئەمڕۆ 11ی 2ی 2026، لەئەنجامی شەڕو پێكدادانەكانی نێوان چەكدارانی نەناسراو و هێزەكانی حكومەتی كاتی سوریا لەگەڕەكی ئەلشوعەیبی پارێزگای رەقە، سەربازێكی حكومەتی كاتی سوریا كوژرا و ژمارەیەكی دیكەش بریندار بوون.

ئەمەش لەكاتێكدایە، تائێستا هۆكاری روبەڕوبوونەوەكەو ناسنامەی چەكدارە نەناسراوەكان نەزانراوەو هێزە ئەمنییەكانی حكومەتی كاتی سوریاش لەئامادە باشیدان بۆ روبەڕوبوونەوەی هەر حاڵەتێكی لەناكاو.

PUKMEDIA