دادگای فیدراڵی لەبارەی پێناسی نوێی گومرگی بڕیاری کۆتاییدا

وکالة الانباء العیراقیة

دادگاى باڵاى فیدراڵى

ئه‌مڕ‌ۆ چوار شه‌ممه‌ 11ی2ی2026 له‌ راگه‌یه‌نراوێكدا دادگای باڵای فیدراڵی سكاڵای تایبه‌ت به‌ بڕ‌یاری پێناسی نوێی گومرگی ره‌تكرده‌وه‌و ئه‌ندامێكی په‌رله‌مانی عیراقیش رایگه‌یاند: دادگا به‌هۆی "نه‌بوونی به‌رژه‌وه‌ندی ره‌وا" داواكه‌ی قبووڵ نه‌كردووه‌.

ئه‌مڕ‌ۆ دادگای باڵای فیدراڵی عیراق، بڕ‌یاری كۆتاییدا له‌سه‌ر ئه‌و تانه‌یه‌دا كه‌ دژ به‌ زیادكردنی باجی گومرگی تۆماركرابوو و ره‌تیكرده‌وه‌، كه‌ تایبه‌ت بوو به‌ زیادكردنی باجی گومرگی و به‌ ناده‌ستووری ناوی برد .

محه‌مه‌د خه‌فاجی، ئه‌ندامی ئه‌نجومه‌نی نوێنه‌رانی عیراق رایگه‌یاند، دادگای باڵای فیدراڵی ئه‌و داوایه‌ی ره‌تكردووه‌ته‌وه‌ كه‌ له‌سه‌ر بڕ‌یاری ژماره‌ 957 تایبه‌ت به‌ زیادكردنی باجی گومرگی تۆماركرابوو.

 خه‌فاجی روونیشی كرده‌وه‌: دادگا به‌هۆی "نه‌بوونی به‌رژه‌وه‌ندی ره‌وا" داواكه‌ی قبوڵ نه‌كردووه‌، ئه‌م زانیارییه‌ش له‌لایه‌ن سه‌رچاوه‌یه‌كی دادوه‌رییه‌وه‌ بۆ ئاژانسه‌ هه‌واڵییه‌كان پشتڕ‌استكراوه‌ته‌وه‌.

ئه‌مه‌ش له‌كاتێكدایه‌، شاره‌زایانی ئابووریی به‌و هۆیه‌وه‌ هۆشداریی له‌دابه‌زینی به‌رچاوی ئاستی بازرگانی ده‌ده‌ن و ئاماژه‌ بۆ ئه‌وه‌ ده‌كه‌ن ئه‌و بڕیاره‌ نرخی كاڵاو شتومه‌ك گران ده‌كات.
 
PUKMEDIA