دابەشکردنی نەوت لەخورماڵ دەستیپێکرد

کوردسات نیوز

دابەشکردنی نەوت

 ئەمڕۆ لە خورماڵ دەست بە دابەشکردنی نەوت دەکرێت و سەرەتاش لە گوندەکانەوە دەستپێدەکات و دواتر دەچێتە ناو سەنتەری قەزاکە.

لەڕاگەیەنراوێکدا ئیدارەی قەزای خورماڵ رایگەیاندووە، ئەمڕۆ لە خورماڵ دەست بە دابەشکردنی نەوت دەکرێت و سەرەتاش لە گوندەکانەوە دەستپێدەکات و دواتر دەچێتە ناو سەنتەری قەزاکە، کە بڕەکەی 100 لیترە بۆ هەر خێزانێک و لە بەرانبەردا 31 هەزار دینار وەردەگیرێت.


راشیگەیاندووە، هاووڵاتیانی سنوورەکە دەتوانن بە مەبەستی سوودمەندبوون لەم پرۆسەیە، کارتی پلاستیکی نەوت (کۆدی 282ی خورماڵ) و  31 هەزار دینار ئامادە بکەن و بۆ بەڕێوەچوونی پرۆسەکە بە شێوەیەکی شارستانی، بەرمیلەکانیان لە کۆڵان دابنێن، هاوکات دڵنیاییش دەدەن، کە لە ماوەیەکی کەمدا تەواوی هاوڵاتیانی سنوورەکە سوودمەند دەبن لە وەرگرتنی بەشە نەوتەکەیان.

PUKMEDIA