رفعەت عەبدوڵڵا: تۆماری تێکۆشانی سەرۆک مام جەلال پڕ لە مورافەعەیە

نوسینگەى رۆژنامەوانى رفعەت عەبدوڵڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

جێگرى سەرۆکى یەکێتى، لە یادی مورافەعە مێژووییەکەی سەرۆک مام جەلال پەیامێکى بڵاوکردەوە و رایگەیاند: تۆماری تێکۆشانی سەرۆک مام جەلال، پڕە لە مورافەعە بۆ کوردستان و بەشێکی خەباتی لە پێناو سەلماندنی کوردستانی بوونی کەرکوکدا بووە.

رفعەت عەبدوڵڵا جێگری سەرۆکی یەکێتیی نیشتمانیی کوردستان، ئەمڕۆ دوو شەممە 9ى2ى2026 لە پەیامێکیدا رایگەیاند: بەشانازییەوە یادی مورافەعە مێژووییەکەی سەرۆک مام جەلال دەکەینەوە کەوەك پارێزەرێكی بەئەزموون، لەناو ئەنجومەنی حوکمدا بەنەخشە و دۆكیۆمێنتی مێژوویی، كوردستانی بوونی كەركوكی بۆ هەموو لایەك سەلماند.

ئەوەشى خستەڕوو: تۆماری تێکۆشانی سەرۆک مام جەلال، پڕە لە مورافەعە بۆ کوردستان و بەشێکی خەباتی لە پێناو سەلماندنی کوردستانی بوونی کەرکوکدا بووە و مورافەعەکەی مەجلیسی حوکمیش وێستگەیەكی درەوشاوەیە لە خەباتی پێشكەوتنخوازنەی مام جەلالی ڕابەرمان.

ئاماژەى بە ئەوەشدا: لەدوای 22 ساڵ لەو ڕووداوە مێژووییە، پێویستە بە ڕێگەی پارێزەری مورافەعەکەی کەرکوکدا هەنگاوبنێین و ئەندێشە و بیری سیاسی مام جەلال بکەینە نەخشەی چارەسەری دەستوری و دیموكراتیانەی کێشەکان.

PUKMEDIA