پاکستان.. زیاتر لە 80 کەس بەهۆى تەقینەوەیەک کوژران و برینداربوون

news24online

وێنەیەکى تەقینەوەکە

ئەمڕۆ هەینی 6ى2ى2026، تەقینەوەیەکی خۆکوژی مزگەوتێکی پاکستان روویدا و بەهۆیەوە زیاتر لە 80 کەس کوژران و برینداربوون.

تەقینەوەیەکی خۆکوژی ئەمڕۆ لەناو مزگەوتێکی شیعەکان لە ئیسلام ئابادی پایتەختی پاکستان روویدا و بەهۆیەوە لانی کەم 80 کەس کوژراون و بریندار بوون.

میدیا جیهانییەکان ئەوەیان خستووەتەڕوو، هێرشەکە لە پایتەختی پاکستان و لە کاتی بەڕێوەچوونی نوێژی هەینیدا ئەنجامدراوە، دوای روداوەکەش، هێزە ئەمنییەکان و تیمەکانی فریاکەوتن بە خێرایی گەیشتوونەتە شوێنەکە و دەستیان بە گواستنەوەی قوربانییەکان کردووە.

ئاماژە بە ئەوەش دراوە، بەهۆی زۆریی ژمارەی قوربانییەکان، لە تەواوی شاری ئیسلام ئاباد و سەرجەم نەخۆشخانەکان باری نائاسایی راگەیەندراوە.

هاوکات تاوەکو ئێستا هیچ لایەنێک بە رەسمی بەرپرسیارێتیی خۆی لەو تەقینەوەیە رانەگەیاندووە.


PUKMEDIA