هەورامان.. بەڕێوەچوونی مەراسیمی ساڵانەی پیرشالیار

بێساران تۆفیق

وێنەیەکى مەراسیمەکە

هەموساڵێک لە یەکەمین چوارشەمەی مانگی دوودا کە دەکاتە دولای چلەی زستان لە رۆژهەڵاتی کوردستان لە شارەجوانەکەی هەورامانی تەخت مەراسیمێک بەڕێوەدەچێت، پێیدەڵێن "زەماوەندی پیرشالیار" ئەم زەماوەندە لە هەموو جیهانەوە گەشتیار روویلێدەکات.

ئەم زەماوەندە دانیشتن و کۆبونەوەی هەمو تایەفەکانی هەورامانە لە ماڵی پیرشالیار کۆدەبنەوە بۆ هەڵبژاردنی شورایەک بۆ بەڕێوەبردنی کاروبارەکانی ناوچەکە
ئەم زەماوەندە لە بەرەبەیانی چوارشەمەوە دەست پێدەکات، بە گەڕانی منداڵانی گوندەکانی هەورامان لە سەعات پێنجی بەیانیدا تا سەعات حەوت منداڵان ماڵ بە ماڵ دەگەڕێن، بۆ کۆکردنەوەی شیرینی و گوێز و بە دەنگێکی بەرز و زوڵاڵ هاوار دەکەن "کڵاوڕۆچنە" هەموو منداڵەکان تورەکەر کۆڵیان پڕدەکەن لە گوێز و کێک و شیرینی تا سەعات حەوتی بەیانی پاشان سەعات 10ى بەیانی کاتی قوربانییە هەموو ماڵێک حەیوانێک وڵاخێک دەکات بە قوربانی و دەیبەن بۆماڵی پیرشالیار لەوێ سەری دەبڕن و دەیکەنە قوربانی بۆ ئەوەی ئەم مەراسیمی ئینتیخاباتەی پەرلەمانەکەیان بەبێ کێشە و موشکیلە کۆتایى بێت و ئەوئەنجومەنە هەڵبژێرن بۆ بەڕێوەبردنی کارەکانیان لە ناوچەکەدا، دوای هەموو گۆشتەکە دەبەنە ناو ماڵی پیرشالیار لەوێ ئەنجومەنەکەی ساڵی رابردوو لە دواین کارەکان ساڵیاندا هەموگۆشتەکە لەتلەت دەکەن و بەشی ئەو چوارمەنجەڵەی کە چێشتەکەی تێدا لێدەنێن گۆشت جیادەکەنەوە و ئەوەشی مایەوە دەیبەخشنەوە بەسەر ماڵەکاندا.

دوانیوەڕۆی چوارشەممە هەموو کوڕە گەنج و جوانەکان و پیرەپیاوە بە ئەزمونەکان لە بەردەم ماڵی پیرشالیار دەست لەناو دەست دەنێن و هەڵپەرکێیەکی رۆحانی درووست دەکەن و مەسرەحیەکی جوان دەڕازێنەوە بۆ تەماشاچیانی بیانی کە هاتون بۆ تەماشایان و نزیک بانگی مەغریب چەند دەقەیەک پێش بانگی مەغریب کۆتایی بە مەسرەحیەکە دێنن.

دوای نوێژی مەغریبی پێنج شەممە لەسەر جومعە هەموو تایەفەکانی هەورامان دەچنە ماڵی پیر لەوێ نانی ئێوارە دەخۆن و دوای نان دەست دەکەن بەزیکر و تەلیلە و هەڵبژاردنەکەیان هەموتایەفەکان کاندیدیان دەبێت، بەڵام لە کۆتایدا چوار کەس هەڵدەبژێرن.

PUKMEDIA