نرخی نەوت دادەبەزێت و غازی سروشتی بەرزدەبێتەوە

METGroup Countries

نرخی نەوت غاز

نرخی هەردوو نەوتی خاوو پرێنت دادەبەزن و هۆکارەکان بۆ ئاڵۆزییەکانی نێوان ئەمریکا و ئێران و بەرزبونەوەی نرخی دۆلار دەگەڕێنرێتەوە، هاوکات نرخی غازی سروشتی بەرزدەبێتەوە.

نرخی نەوت دابەزینی تۆمار کرد و بەجۆرێک نرخی نەوتی برێنت 1.4% دابەزیوەو نرخی یەک بەرمیل نەوت گەیشتوەتە 68 دۆلار و 50 سەنت و نەوتی خاویش بەڕێژەی 1.3% دابەزیوە و نرخی یەک بەرمیل 63 دۆلار و 80 سەنتە.

لەلایەکی ترەوە نرخی غازی سروشتی بە رێژەی 0.20% بەرزبوەتەوەو نرخکەی گەیشتوەتە 3 دۆلار و 47 سەنت.

شارەزایان دابەزینی نرخی نەوت لە بازاڕەکانی جیهاندا بۆ ئاڵۆزییەکانی نێوان ئێران و ئەمریکا دەگەڕێننەوە.

هاوکات بەپێی ئەوەی بەرپرسانی ئەو دوو وڵاتە ئاماژەیان پێداوە کە وابڕیارە سبەینێ هەینی لە عەمان چاویان بەیەک بکەوێت و گفتوگۆ لەبارەی ئاڵۆزییەکان بکەن، بەمەش ئەگەری دووبارە بەرزبونەوەی نرخی نەوت دەبێت.

لەلایەکی ترەوە بەرزبونەوەی نرخی دۆلار هۆکاری دابەزینی نرخی نەوتە بەهۆی ئەوەی وڵاتان کە دراویان دۆلار نییە، بەدۆلار دەبێت نەوت بکڕن و ئەمەش مامەڵەکەیان گرانتر دەکات و ئەکاتە خواست لەسەر نەوت کەم دەبێتەوە.

PUKMEDIA