ئەنجومەنی نوێنەران بۆ هەڵبژاردنی سەرۆککۆمار کۆدەبێتەوە

PUKMEDIA

ئەنجومەنی نوێنەرانی عیراق

بڕیارە سبەینێ 1ی2ی2026، ئەنجومەنی نوێنەرانی عیراق کۆببێتەوە و هەڵبژاردنی سەرۆککۆمار لە کارنامەی دانیشتنەکەدایە، ئەندامێکی ئەنجومەنی نوێنەرانیش لە فراکسیۆنی یەکێتی دووپاتی دەکاتەوە، پۆستی سەرۆککۆمار ئیستیحقاقی یەکێتییە.

سروە محەمەد ئەندامی ئەنجومەنی نوێنەرانی عیراق لە فراکسیۆنی یەکێتی،بە PUKMEDIA ی راگەیاند: دانیشتنی سبەینیێ ئەنجومەنی نوێنەران کە تایبەتە بە هەڵبژاردنی سەرۆککۆمار، یەکێتیی نیشتمانیی کوردستان ئەو پۆستە بە ئیستحقاقی خۆی دەزانێت و بۆ ئەمەش نزار ئامێدی تاکە کاندیدی یەکێتیە بۆ ئەو پۆستە.

ئاماژەی بەوەشکرد:بڕیارە ئەمڕۆ، چوارچێوەی هەماهەنگی دواکۆبوونەوەی خۆی لەسەر کاندیدی سەرۆک وەزیران و سەرۆککۆمار ئەنجام بدات،ئەمەش لەکاتێکدایە، کە کاندیدیان بۆ پۆستی سەرۆکوەزیران یەکلا کردووەتەوە، کە نوری مالیکیە،بەڵام هەرکەسێک لە چوارچێوەی هەماهەنگی ئەو پۆستە وەربگرێت، گرنگە عیراق لەو هەموو قەیرانەی تێیکەوتووە دەربهێنێت.

ئەندامەکەی فراکسیۆنی یەکێتی، ئاشکراشی کرد: کۆبوونەوەکان لە نێوان لایەنەکانی عیراق لەسەر یەکلایی کردنەوەی کاندیدەکان بۆ ئەو پۆستە هێشتا بەردەوامی هەیە، لەپاش یەکلایی کردنەوەی پۆستی سەرۆککۆمار پێویستە سەرۆکوەزیرانیش یەکلایی بکرێتەوە، وەک نەریتێکی سیاسی پۆستی سەرۆککۆمار بۆ کوردە و لەناو کوردیشدا بۆ یەکێتییە، پۆستی سەرۆکوەزیرانیش بۆ شیعەیە.

ئەمەش لەکاتێکدایە،، بڕیاربوو رۆژی سێشەممەی هەفتەی رابردوو، هەڵبژاردنی سەرۆك كۆماری عیراق بەڕێوەبچێت، بەڵام سەرۆكایەتی ئەنجومەنی نوێنەران دانیشتنەكەی دواخست ویەکێتیی نیشتمانیی کوردستان تاکە کاندیدی نزار ئامێدییە و پێشەنگی کاندیدەکانی دیکەیە.

PUKMEDIA