گراهام: تێڕوانینێكی هاوبەش بۆ پاراستنی كوردانی رۆژاڤا هەیە

ميدياكان

لیدزی گراهام

سیناتۆرێك رایدەگەیەنێت: لەكۆنگرێس كۆدەنگییەكی بەهێز بۆ پاراستنی كورد لە سووریا هەیەو چاوەڕوان بن.

ئەمڕۆ 23ی 1ی 2026، لیدزی گراهام، ئەندامی ئەنجوومەنی پیرانی ئەمریكاو سیناتۆری دیاری كۆمارییەكان رایگەیاند: نیگەرانییەكی زۆر و هاوبەش لەنێوان كۆماری و دیموكراتەكاندا لەئەنجوومەنی پیرانی ئەمریكا (كۆنگرێس) هەیە، هاوكات تێڕوانینێكی بەهێزو یەكگرتووش بۆ پاراستنی كوردانی رۆژاڤای كوردستان دروستبووە، چونكە كورد لەكاتی تێكشكاندنی داعشدا هاوكارییەكی زۆری ئەمریكای كردووەو پێویستە ئێستا بپارێزرێت.

ئاماژەی بەوەشكرد: ئەنجوومەنی پیران دەسەڵاتەكانی راستەقینەن و چاوەڕوانی هەنگاوەكانی داهاتوو بن.
 
ئەمەش لەكاتێكدایە، رۆژی 6ی 1ی 2026، هێرشەكانی سوپای عەرەبیی سووریا بۆ سەر هێزەكانی سووریای دیموكرات (هەسەدە) لەهەردوو گەڕەكی ئەشرەفیە و شێخ مەقسوود لەحەلەب دەستیپێكرد، دواتر هێرشیان كردە سەر پارێزگاكانی دێرەزوور، رەققە و حەسەكە، كە لە ژێر كۆنتڕۆڵی هەسەدە دان. 
 
PUKMEDIA