مەزڵوم عەبدی بۆ کۆبونەوە لەگەڵ تۆم باراک و ئەحمەد شەرع گەیشتە دیمەشق

PUKMEDIA

مەزڵوم عەبدی

کەمێک پێش ئێستا مەزڵوم عەبدی، فەرماندەی گشتی هێزەکانی هەسەدە بۆ کۆبوونەوە لەگەڵ ئەحمەد شەرع سەرۆکی کاتی حکومەتی سوریا و تۆم باراک نێردەی تایبەتی ئەمریکا بۆ کاروباری سوریا گەیشتە دیمەشق.

لەبارەی سەردانەکەشییەوە بۆ دیمەشق مەزڵووم عەبدی، فەرماندەی گشتیی هێزەکانی سوریای دیموکرات (هەسەدە) رایگەیاند: سەرەڕای بەردەوامی هێرشی گروپە چەکدارەکان بۆ سەر گەلەکەمان، بەڵام بە هاوکاری کۆمەڵگەی نێودەوڵەتی، لەهەوڵەکانمان بەردەوامین بۆ راگرتنی شەڕو کەمکردنەوەی گرژییەکان لە سوریا.

ئاماژەی بەوەش کردووە: بە گەلەکەمان رادەگەیەنین کە هەوڵەکانمان بۆ کەمکردنەوەی توندوتیژی و ئاگربەست بەردەوامە، بانگەوازیش بۆ گەلەکەمان دەکەین کە لە پشتمان بن و ئازایەتی خۆیان نیشان بدەن.

كۆبونەوەكەی  مەزڵوم عەبدی و ئەحمەد شەرع و تۆم باراک لەكاتێكدا، گروپە چەكدارەكانی دیمەشق هێرشێكی بەرفراوانیان بۆ سەر ناوچەكانی رۆژئاوای فورات دەستپێكردووەو لەچەندین بەرەی جیاواز شەڕێكى قورس بەڕێوەدەچێت.

PUKMEDIA