عیماد ئەحمەد بۆ کەناڵ 8: بۆشاییەکی گەورەتان لەکایەی راگەیاندنی نیشتمانیی پڕکردۆتەوە

PUKMEDIA

عیماد ئەحمەد

عیماد ئەحمەد، ئەندامی مەکتەبی سیاسی و لێپرسراوی مەکتەبی راگەیاندن و هۆشیاری یەکێتیی نیشتمانیی کوردستان، بە بۆنەی دووەمین ساڵیادی دەستپێکردنی  پەخشی  کەناڵ " 8"ەوە، پیرۆزبایی ئاڕاستەی سەرۆک و ئەندامانی بەڕێوەبردنی بۆردی کەناڵ " 8" و میدیاکارانى کەناڵە کرد و رایگەیاند: سەرەڕای تەمەنی کورتی کەناڵ " 8"، بە رووماڵی سەنگین و گوتاری بەرپرسانە و رەچاوکردنی بەرزترین ئاستی ئیتیک و ئاکاریی پیشەیی سەلماندوتانە، کە ئەزموونێکی نوێ و بۆشاییەکی گەورەتان لە کایەی راگەیاندنی نیشتمانیی پڕکردۆتەوە، بە تایبەت لە پرسە نیشتمانیی و نەتەوەییەکان بە ئاڕاستەیەکی سەنگین و نەگۆڕ مایک و زوومی کەناڵەکەتان لە هەموو شوێنێک ئامادەبووە.

دەقى پەیامەکە:

بەڕێزان سەرۆک و ئەندامانی بەڕێوەبردنی  بۆردی کەناڵ 8

 دووەمین ساڵیادی  پەخشی کەناڵ 8 ،  بە دەرفەتێکی گرنگ دەزانین بەناوی مەکتەبی ڕاگەیاندن و هۆشیاری یەکێتیی نیشتمانیی کوردستانەوە ، پیرۆزبایی لە ئێوەو تەواوی میدیاکارانی کەناڵەکەتان بکەین و  هیوای هەمیشە سەرکەوتن و گەشە و  پێشکەوتنتان بۆ بخوازین.

سەرەڕای تەمەنی کورتی کەناڵ8، بە ڕووماڵی سەنگین و گوتاری بەرپرسانە و ڕەچاوکردنی بەرزترین ئاستی ئیتیک و ئاکاریی پیشەیی سەلماندوتانە کە ئەزموونێکی نوێ و بۆشاییەکی گەورەتان لەکایەی ڕاگەیاندنی نیشتمانیی پڕکردۆتەوە، بە تایبەت لە پرسە نیشتمانیی و نەتەوەییەکان بە ئاڕاستەیەکی سەنگین و نەگۆڕ مایک و زوومی کەناڵەکەتان لە هەموو شوێنێک ئامادەبووە.

 ئێمە لە مەکتەبی ڕاگەیاندنی یەکێتی، وێڕای پشتیوانی بێ چەند و چوونی ئازادی و ڕەخساندنی کەشێکی ئارام بۆ کاری میدیایی، پاڵپشتی بەردەوامی کەناڵ 8 دەبین و لە کاروانی گەیاندنی پەیامی ڕاست و دروست هاوڕێ و ڕێبواری هەمان کاروان دەبین.

 جارێکی تریش پیرۆزباییتان لێدەکەین و هیوای سەرکەوتنتان بۆ دەخوازین

عیماد ئەحمەد ئەندامی مەکتەبی سیاسی و لێپرسراوی مەکتەبی ڕاگەیاندن و هۆشیاری
یەکێتیی نیشتمانیی کوردستان

PUKMEDIA