سیناتۆری کۆمارییەکان: هەر جوڵەیەک دژی کورد کاردانەوەی ئەمریکای لێدەکەوێتەوە

RS

لیندزی گراهام سیناتۆری دیاری کۆمارییەکان

سیناتۆری دیاری کۆمارییەکان، پەیامێکی توند ئاراستەی حكومەتی نوێی سوریا و تورکیا دەکات و  رایدەگەیەنێت: هەر جووڵەیەک دژی کورد بکرێت، کاردانەوەی توندی ئەمریکای لێ دەکەوێتەوە.

لیندزی گراهام سیناتۆری دیاری کۆمارییەکان رایگەیاند: بەتەواوی پشتیوانی لە داواکەی سیناتۆر "ڕیچ" دەکەم بۆ هێورکردنەوەی دۆخەکە لە سوریا و ئاگادارکردنەوەی حكوومەتی نوێی سووریا، بەوەی پێشێلکارییەکانی مافی مرۆڤ دژی کەمینەکان قبووڵ ناکرێن.

راشیگەیاند: ئەوەی لە هەمووی زیاتر جێی نیگەرانییە، بەدەستگەیشتنی ڕاپۆرتی بڕواپێکراوە کە هێزەکانی سوپای سوریا و تورکیا لەوانەیە زیاتر بەرەو پێشەوە بچن دژی هاوپەیمانە کوردەکانمان، باوەڕیشم وایە ئەم جووڵەیە کاردانەوەی بەهێزی ئەمەریکای لێ دەکەوێتەوە.

گراهام ڕوونیشکردەوە، هەرچەندە پشتیوانی لە پێدانی دەرفەتێک بە حكومەتە نوێیەکەی سووریا دەکەم، بەڵام هێرشی ئاشکرا بۆ سەر هاوپەیمانە کوردەکانمان قبووڵ ناکەم، چونکە ئەوان هێزی سەرەکی بوون لە تێکشکاندنی خەلافەتی داعش و بە درێژایی ساڵان هاوپەیمانێکی بەهێز بوون لەگەڵ ئیسرائیل، بۆیە داوا لە حکومەتی نوێی سوریا دەکەم ژیرانە بڕیار بدەن.

PUKMEDIA