بەراورد بە ساڵى رابردوو نرخى زێڕ دوو هەزار دۆلار بەرزبووەتەوە

Live Science

زێڕ

نرخى هەر ئۆنسەیەک زێڕ لە بازاڕەکانى جیهاندا بەراورد بە ساڵى رابردوو نزیکەى دوو هەزار دۆلار بەرزبوەتەوە و شارەزایان هۆکارى ئەم ریکۆرد شکاندنەى نرخى زێڕیش دەگەڕێننەوە بۆ بونى جەنگ و گرژیەکانى جیهان، کەمبوونەوەى رێژەى سودى بانکى و کڕینى زۆرى زێڕ لە لایەن دەوڵەتانەوە.

ئەمڕۆ چوارشەممە 14ى1ى2026 هەر ئۆنسەیەک زێڕ لە بۆرسەی جیهانیدا بە بڕى چوار هەزار و 632 دۆلار مامەڵەى پێوە دەکرێت، ئەمە لەکاتێکدایە ساڵێک پێش ئێستا نرخى ئۆنسەیەک زێڕ بە بڕى دوو هەزار و 671 دۆلار مامەڵەی پێوەدەکرا، واتا نرخى زێڕ بەراورد بە ساڵێک لەمەوبەر، بۆ هەر ئۆنسەیەک نزیکەى دوو هەزار دۆلار بەرزبووەتەوە.

نرخى زێڕ لە بازاڕەکانی هەرێمی کوردستان لە ئەمڕۆدا:

زێڕی عەیار 18 به 824 هەزار دینار
زێڕی عەیار 21 به 962 هەزار دینار
زێڕی عەیار 22 به 1 ملیۆن دینار
زێڕی عەیار 24 به  ملیۆنێک و 99 هەزار دینار

ساڵێک لەمەوبەر نرخی زێڕ لە بازاڕەکانی هەرێمی کوردستان:

زێڕی عەیارە 18 بە 491 هەزار دینار
زێڕی عەیارە 21 بە 572 هەزار دینار
زێڕی عەیارە 22 بە 599 هەزار دینار
زێڕی عەیارە 24 بە 655 هەزار دینار

شارەزایان دەڵێن، جەنگ، گرژى و شەڕەکانى لە ئێستاى جیهاندا کە هەیە، هەروەها کەمبوونەوەى رێژەى سودى بانکى و کڕینى زۆرى زێڕ لە لایەن دەوڵەتانەوە، سێ هۆکارى سەرەکین لە شکاندنى ئەو ریکۆردە مێژووییەى نرخى زێڕ.

PUKMEDIA