ئه‌نجومه‌نی نوێنه‌ران بۆ پرسی داهاته‌ نانه‌وتییه‌كان كۆده‌بێته‌وه

راگەیاندنی ئەنجومەنی نوێنەران

ئەنجومەنى نوێنەران

ئەمڕۆ شەممە 10ى1ى2026‌  ئەنجومەنى نوێنەرانى عیراق کۆدەبێتەوە و تێیدا گفتوگۆی ئه‌و پرسانه‌ دەکرێت كه‌ تایبه‌ته‌ به‌داهاتی نانه‌وتی له‌ عیراقدا.

وا بڕیارە ئەمڕۆ ئەنجومەنى نوێنەران کۆبوونەوەى ئاسایى خۆى ئەنجامبدات، لەو بارەیەوە رامیار حه‌یده‌ر ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی، به‌ وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاندبوو: ئه‌نجومه‌نی نوێنه‌رانی عیراق هه‌وڵده‌دات هه‌موو ئه‌و سه‌رچاوه‌ داراییه‌ نانه‌وتییانه‌ رێكبخاته‌وه‌، كه‌ بوونه‌ته‌ داهات بۆ خه‌زێنه‌ی ده‌وڵه‌ت.

به‌ پێی زانیارییه‌كانی PUKMEDIA  بڕ‌یاره‌ له‌ دانیشتنه‌كانی داهاتووی ئه‌نجومه‌نه‌كه‌دا حه‌وت لایه‌نی په‌یوه‌ندیدار ده‌رباره‌ی پرسی داهاته‌ نانه‌وتییه‌كان میوانداری بكرێن، كه‌ پێكهاتوون له‌، دیوانی چاودێری دارایی، ده‌سته‌ی ده‌ستپاكی، ئه‌نجومه‌نی خزمه‌ت، ئه‌نجوومه‌نی پارێزگاكان ، بانكی ناوه‌ندی، ده‌زگای شه‌هیدان و ده‌سته‌ی خانه‌نشینی.

PUKMEDIA