دەستبەسەر بڕێک دراوی ساختەدا گیرا و تۆمەتبارێک رەوانەی دادگا کرا

راگەیاندنى پۆلیسى سلێمانى

دراوى ساختە

بڕی 800 هەزار دیناری عیراقی پارەی ساختەكراو لە سلێمانی ئاشکرا دەبێت و بەڕێوەبەرایەتیی پۆلیسی پارێزگای سلێمانیش رایگەیاند: تۆمەتبارێكمان دەستگیركرد كە دراوی ساختەی لابوو.

بەڕێوەبەرایەتیی پۆلیسی پارێزگای سلێمانی رایگەیاند: مەفرەزەكانی نووسینگەی نەهێشتنی تاوانی سەیدسادق سەر بە بەشی نەهێشتنی تاوانی بەڕێوەبەرایەتیان تۆمەتبارێكیان دەستگیركرد كە دراوی ساختەی لابوو.

رونیشیکردەوە: بڕی 800 هەزار دیناری عیراقی پارەی ساختەكراوی  لە جۆری 50 هەزار دیناری لابووە و ویستویەتی لەناو بازاڕی قەزای سەیدسادقدا ساغی بكاتەوە، هەروەها تواندراوە دەست بەسەر پارە ساختەكراوەكەیدا بگیرێت.

ئەوەش خراوەتەڕوو: بە بڕیاری دادوەر پەڕاوی لێكۆڵینەوە بۆ دۆسیەكە رێكخراوە و  تۆمەتبار كە تەمەنی 29 ساڵە بە پێی یاسای سزادانی عیراقی راگیراوە و لێكۆڵینەوە لەگەڵیدا بەردەوامە.

PUKMEDIA