بەهۆی تەقینەوە لەسویسرا چەند كەسێك گیانیان لەدەستدا

SRF

وێنەی شوێنی رووداوەكە

بەهۆی تەقینەوە لە ناوەندێكی خلیسكێنەی سەر بەفر لە سویسرا، چەند كەسێك گیانیان لەدەستدا و ژمارەیەك هاووڵاتیش بریندار بوون.

میدیای رەسمی سویسرا (SRF) لەسەر زاری پۆلیسی وڵاتەكەیەوە رایگەیاند: رووداوەكە لە یانەیەكی شەوانە لە ناوەندی خلیسكێنەی سەر بەفر (كرانس-مۆنتانا) لە باشووری سویسرا روویداوە، كە ئاهەنگی سەری ساڵی تێدا سازكراوە.

راشیگەیاندووە: بەهۆی چەند تەقینەوەیەكەوە ئاگر لە یانەیەكی شەوانە لە ناوەندەكە كەوتووەتەوە و ژمارەیەكی زۆر گیان لەدەستدان و برینداری لێكەوتووەتەوە.

ئاماژەی بەوەشكردووە: تیمەكانی فریاگوزاری بە هێلیكۆپتەر و ئۆتۆمبێلی فریاكەوتنەوە گەیشتوونەتە شوێنی رووداوەكە بۆ گواستنەوەی تەرمەكان و گەیاندنی برینداران بە نەخۆشخانە.

PUKMEDIA