لە سلێمانی و دهۆک بەفر دەبارێت

Science News Explores

بەفر

کەشناسی هەرێم دەستپێکردنەوەی شەپۆلێکی بەفر و بارانی لە سەرەتای هەفتەی داهاتووەوە راگەیاند، کەبەپێی پێشبینییەکان بۆ ماوەی چوار رۆژ بەردەوام دەبێت و پلەکانی گەرماش نزم دەبنەوە، پێشبینی بارینی بەفر لەناو سەنتەری سلێمانی و دهۆک دەکرێت.

بەڕێوەبەرایەتی گشتی کەشناسی و بومەلەرزەزانی هەرێم لە راگەیەوندراوێکدا رایگەیاند: لە رۆژی شەممە 27-12-2025 شەپۆلێکی بەفر و باران لە هەرێم دەستپێدەکات و هەتا رۆژی سێشەممە 30-12-2025 بەردەوام دەبێت.

ئەوەشی راگەیاندووە: سەرەتای شەپۆلەکە بە بەفر و نمەباران لە ناوچە سنوری و شاخاوییەکان دەستپێدەکات و کاریگەرییەکەی بۆسەر ناوچە جیاجیاکان درێژدەبێتەوە، زۆرترین ماوەی دابارین دەکەوێتە رۆژی دووشەممە و رۆژی سێشەممەش لەگەڵ زیاتر نزمبونەوەی پلەکانی گەرما ئەگەری دابارینی بەفر هەیە لەسەنتەری شاری سلێمانی و دهۆک.

کەشناسی هۆشداریش دەدات لە زیادبونی خێرایی با و سەرمایەکی زۆر و نزمبونەوەی پلەکانی گەرما بەتایبەت لە ناوچە شاخاوییەکان بۆ ژێر سفر.

ئاماژەی بەوەشداوە، شەپۆلەکە لە پاشنیوەڕۆی رۆژی سێشەممەوە کاریگەری کەم دەبێتەوە.

PUKMEDIA