پۆستی قائیمقامی چەمچەماڵ ئاڵوگۆڕکرا

PUKMEDIA

کۆبونەوەی بۆ ئاڵوگۆڕی پۆستی قائیمقامی چەمچەماڵ

کەمێک پێش ئێستا پۆستی قائیمقامی چەمچەماڵ ئاڵوگۆڕ کرا و ئاسۆ بەکر بە وەکەلاتە لەجێی رەمەک رەمەزان دانرا، قائیمقامی نوێ بەڵێنی خزمەتی زیاتری خەڵکی سنورەکەی دا.

لە کۆنگرەیەکی رۆژنامەوانیدا بە ئامادەبونی شاهۆ عوسمان جێگری پارێزگاری سلێمانی و عەتا محەمەد سەرپەرشتیاری کۆمسیۆنی فریاگوزاری و بوژاندنەوەی چەمچەماڵ هەردوو قائیمقامی کۆن و نوێ ئاڵوگۆڕ لە پۆستی قائیمقامی چەمچەماڵدا کرا و ئاسۆ بەکرد بەوەکالەت لە جێی رەمەک رەمەزان دانرا.

لەکۆنگرەکەدا رەمەک رەمەزان، قائیمقامی پێشووی چەمچەماڵ رایگەیاند: هەنگاوی باشمان ناوە بۆ خزمەتی ئەم سنورە و سوپاسی تاک بەتاکی خەڵکی سنورەکە دەکەین و لەخۆشی و ناخۆشیدا هاوکار و پشتیوانمان بوون، داوای لێبوردن لە هاووڵاتیانی خۆمان دەکەین کەنەمانتوانیبێت وەک پێویست لە خزمەتیانا بین و هۆکاریش بەهۆی نەبوونی بودجەوە بووە.

دواتر ئاسۆ بەکر قائیمقامی چەمچەماڵ بەوەکالەت رایگەیاند: جێی شانازییە بتوانین خزمەتکاری خەڵکی چەمچەماڵ بین و داوای هاوکاری هەموو لایەک دەکەین بۆ ئەوەی پشتیوانمان بن و هاوکارمان بن لە دەستنیشانکردنی گرفتەکان و هەر کەموکورتییەک هەیە لە سنورەکە کە ئێمە نەیزانین ئاگادارمان بکەنەوە.

PUKMEDIA