ئەمڕۆ لە سنوورى چەمچەماڵ نەوت دابەشدەکرێت

راگەیاندنى قائیمقامیەتى قەزای چەمچەماڵ

دابەشکردنى نەوت

یەکەی سوتەمەنی چەمچەماڵەوە هاووڵاتییان ئاگاداردەکاتەوە، کە ئەمڕۆ لە سنوورى چەمچەماڵ نەوت دابەشدەکرێت.

ئاماژەبەوەدراوە: هاووڵاتییانی قەزای چەمچەماڵ ئاگادار دەکەینەوە، ئەمڕۆ شەممە 20ى12ى2025 لە گەڕەکەکانی ناوەندی قەزای چەمچەماڵ و ناحیەی شۆڕش و تەکیە نەوت دابەشدەکرێت.

ئەوەشروونکراوەتەوە: ئەو هاووڵاتییانەی کارتی زیرەکی نەوتیان نوێکردوەتەوە، دەتوانن نەوتەکە وەربگرن، هەر هاووڵاتییەکیش تا ئێستا کارتی نەوتی وەرنەگرتوەتەوە، لە رۆژانی داهاتوودا پڕۆسەکە بەردەوام دەبێت.

ئەوەشخراوەتەڕوو: بڕی نەوتەکە 200 لیترە بەعەداد( پێوەر) دابەشدەکرێت و بە 104 هەزار دینار بەهاووڵاتییان دەدرێت.

PUKMEDIA