کەشناسی: ئەمڕۆ بەفر دەبارێت

PUKMEDIA

بەفربارین لە ناحیەی باسنێ

بەڕێوەبەرایەتی گشتی كەشناسی و بومەلەرزەزانی هەرێمی کوردستان، كەشی پێشبینیكراوی 48 سەعاتی داهاتووی بڵاوكردەوە و بەپێی پێشبینییەكان ئەمڕۆ شەممە 13ی 12ی 2025، نمە باران و بارانی مامناوەند بە پچڕپچڕی لە زۆربەی ناوچەكان دەبارێت، لە ناوچە شنوورییەکانیش بەفر دەبارێت.

بەپێی پێشبینی کەشناسی هەرێم: ئەمڕۆ شەممە 13ی12ی2025،ئاسمان هەوری تەواو دەبێت لەگەڵ بارینی بارانی پچڕ پچڕی بەردەوام تاکوو ئێوارە،هەروەها بەفرێکی کەم لە ناوچە شاخاویە سنووریەکان دەبارێت.

 پەیوەست بە پێشبینییەکانیش بۆ سبەی کەشناسی رایگەیاندووە: سبەى یەک شەممە 14ی12ی2025، ئاسمان هەوری تەواو دەبێت پاشان بۆ نیمچە هەور دەگۆرێت، ئەگەری بارینی نمە باران هەیە بە تایبەتی لە هەندێ ناوچە لە رۆژهەڵاتی هەرێم.

بەرزترین پلەکانی گەرمای پێشبینیکراو بە پلەی سیلیزی:
هەولێر : 13 پلەی سیلیزی
سلێمانی : 12 پلەی سیلیزی
دهۆک : 13 پلەی سیلیزی
زاخۆ : 13 پلەی سیلیزی
کەرکوک : 15 پلەی سیلیزی
هەڵەبجە : 15 پلەی سیلیزی
گەرمیان : 17 پلەی سیلیزی

PUKMEDIA