هەشت ساڵ بەسەر رزگارکردنی عیراق لەدەستی داعش تێدەپەڕێت

PUKMEDIA

عیراق لە تیرۆرستان پاک کرایەوە

هەشت ساڵ بەسەر رۆژی ئازادكردنی عیراق لەدەست تیرۆرستانی داعش تێدەپەڕ‌ێت و یەكێتیی نیشتمانیی كوردستان لەگەڵ ئەوەی قوربانی زۆری دا، بەڵام قارەمانی تێكشكاندنی تیرۆرستانی داعش-یش بوو، یەكێتی لە جەنگی روبەڕ‌وبوونەوەی تیرۆردا پێشەنگی قوربانیدان و سەركەوتنەكان بووە، لەو چوارچێوەیەشدا بەپێی ئامارەكانی مەكتەبی شەهیدان و تێكۆشەران، لەو شەڕ‌ە سەپێندراوەدا یەكێتی زیاتر لە هەزار شەهیدی بۆ پاراستنی كوردستان بەخاك بەخشیووە.

سەرۆککۆمار: بەڕێز و وەفاوە لەخوێنی شەهیدانمان دەڕوانین

غەیاس سورچی كارگێڕی مەڵبەندی موسڵ-ی یەكێتی بەسایتی رەسمی یەكێتیی نیشتمانیی كوردستان بە PUKMEDIA ی راگەیاند: "هێزه‌كانی پێشمه‌رگه‌ هاوشانی هێزه‌ ئه‌منییه‌كانی عیراق رۆڵێكی گه‌وره‌و كاریگه‌ریان هه‌بووه‌ له‌ هه‌ڵمه‌تی كۆنتڕۆڵكردنه‌وه‌ی پارێزگای موسڵ و ئازادكردنی ئه‌و شاره‌ له‌ده‌ستی تیرۆرستانی داعش، به‌ تایبه‌ت له‌ كۆنتڕۆڵكردنه‌وه‌ی قه‌زای شه‌نگال و مه‌خمورو گوێرو ده‌شتی نه‌ینه‌واو چه‌ندین قه‌زاو ناحیه‌ی تری سه‌ربه‌و پارێزگایه‌".

راشیگەیاند:هێزه‌كانی پێشمه‌رگه‌ رۆڵێكی گه‌وره‌یان بینیوه‌ له‌ پاڵپشتیكردنی هێزه‌ ئه‌منییه‌كانی عیراق له‌ رووبه‌ڕووبوونه‌وه‌ی تیرۆر له‌ ناوچه‌كه‌، هه‌تا ده‌ستپێكردنی هێرشه‌كان به‌ ئاڕاسته‌ی سه‌نته‌ری شاری موسڵیش، كه‌ ئه‌مه‌ وایكرد هه‌ڵًمه‌تی كۆنتڕۆڵكردنه‌وه‌ی شاری موسڵ خێراترو ئاسانتر بكات.

غەیاس سورچی ئاماژه‌ی به‌وه‌شکرد: له‌ هه‌ڵمه‌ته‌كاندا هێزی پێشمه‌رگه‌ به‌رده‌وام هاوكاری سه‌ربازی و لۆجستی هێزه‌ ئه‌منییه‌كانی عیراقیان ده‌كرد بۆ پێشڕه‌وی بۆ ناو شاری موسڵ و كردنه‌وه‌ی ده‌رچه‌ی ئارام بۆ رزگاركردنی ئاواره‌كان و ئه‌و كه‌سانه‌ی شاری موسڵ كه‌ له‌ترسی تیرۆرستانی داعش و شه‌ڕو رووبه‌ڕووبوونه‌وه‌كان ماڵ و حاڵی خۆیان به‌جێده‌هێشت و ئاواره‌ی ناوچه‌ ئارامه‌كان ده‌بوون.

PUKMEDIA