باران بارین دەستپێدەکات

The University Qeensland

باران بارین

لە سبەینێوە 7ى12ى2025 بارانبارین لە ناوچە جیاوازەکانی هەرێم دەستپێدەکات و لە کاتەکانی شەو بڕی بارانەکە زیاد دەکات و هەورە بروسکەشی لەگەڵ دەبێت.

ئاراز جەبار، شارەزا لە بواری کەشناسی، رایگەیاند: سبەینێ یەکشەممە 7ى12ى2025، ئاسمانی هەرێمی کوردستان بە درێژایی کاتەکان دەگۆڕێت بۆ هەوری تەواو لە کاتەکانی بەیانیەوە بارانبارین بەڕێژەی مامناوەند و پچڕ پچڕ لەناوچە جیاجیاکانی سنووری پارێزگای نەینەوا و دهۆکەوە دەستپێدەکات و لەناوچەکانی دیکەی هەرێم ئەگەری نمە باران دەبێت و زۆربەی کاتەکان بای باشوری رۆژهەڵات چالاک دەبێت بەخێرایی 15 تا 35 کیلۆمەتر لە سەعاتێکدا و لە شەودا خێرایی با چالاکتر دەبێت.

ئاماژەیبەوەشدا: لە کاتەکانی سبەینێ ئێوارەوە بۆ کاتەکانی شەو بارانبارین فراوان دەبێت و لە سەرجەم ناوچەکانی هەرێم بارانی مامناوەند دەستپێدەکات، لەگەڵ چالاکبوونی هەورە بروسکە لە هەندێک کاتدا.

ئەوەش رووندەکاتەوە: رێژەی بارانەکە لە ناوچەکانی سنووری ئیدارەی راپەرین و سۆران و ناوچەکانی ئاکرێ و بارزان و ئامێدی و بەردەرەش و کۆیە و مێرگەسور زیاتر دەبێت، هەندێکجار لێزمە باران دەبێت و ئەگەری دروستبوونی لافاویش لەو ناوچانەدا دەبێت، کە لەهەندێک شوێندا بەهۆی توندی و زۆری بارانەکەوە بەتایبەت لەناوچەکانی بارزان و مێرگەسور و ئاکرێ مەترسی دروستبوونی لافاوی بەهێزیش دەبێت.

بەرزترین پلەکانی گەرمای پێشبینیکراو بە پلەی سیلیزی:

هەولێر : 21 پلەی سیلیزی
سلێمانی : 19 پلەی سیلیزی
دهۆک : 19 پلەی سیلیزی
زاخۆ : 19 پلەی سیلیزی
کەرکوک : 22 پلەی سیلیزی 
هەڵەبجە : 20 پلەی سیلیزی
گەرمیان : 23 پلەی سیلیزی

PUKMEDIA