ئەو ژنەی کڵاوەکەی سەری جەواهیری چنیوە کۆچی دوایی کرد

PUKMEDIA

خاتو دلبەر

ئەمڕۆ 5ی12ی2025، خاتوو (دلبەر مەجید بەگ دەرگەڵەیی) دووای ململانێیەکی زۆر لەگەڵ نەخۆشی کۆچی دوایی کرد.

خاتوو دلبەر لە ناوەڕاستی شەستەکانی سەدەی رابردوو دایک و برایەکی و خوشکێکی بە بۆردومانی فڕۆکە جەنگیەکانی رژێمی پێشووی عیراق شەهید دەبن، بەو هۆیەوە چەندین  شیعر و پەخشانی نەتەوەیی دەنووسێت و دەست دەکات بە چنینی کڵاوی پیاوانە و بە پیتی ئینگلیزی لێی دەنووسێت کوردستان یان نەمان.

هاوکات، لە کۆتایی شەستەکانی سەدەی رابردووەوە سێ دانە لەم کڵاوانە بەدیاری دەدات بە خوالێخۆشبوو سەرۆک مام جەلال، یەکێک لەو کڵاوانەش سەرۆک مام جەلال بەدیاری دەیدات بە شاعیری گەورەی عەرەب (جەواهیری).

ساڵی 2011 لە بەدوواداچونێکی میدیایی خوالێخۆشبوو سەرۆک مام جەلال ئەوەی ئاشکراکرد کە ئەو کڵاوە و دووانی تری لە دلبەر خان وەرگرتوە و ئەویش بەدیاری داویەتی بە جەواهیری، هەر هەمان ساڵیش سەرۆک مام جەلال دیاری تایبەتی خۆی وەک رێزلێنان بۆ ئەو خانمە نارد و بەسەری کردەوە.

PUKMEDIA