خوێندنی باڵا: نزیکەى نیو ملیۆن دۆلار بۆ تواناسازی خەرجدەکرێت

راگەیاندنى وەزارەتى خوێندنى باڵا و توێژینەوەى زانستى

وەزارەتى خوێندنى باڵا و توێژینەوەى زانستى

وەزارەتى خوێندنى باڵا رایگەیاند: نزیکەى نیو ملیۆن دۆلار شایستەى دارایى بۆ 42 لە دەرچوانى بەرنامەى تواناسازى خەرجدەکات.

لە راگەیەنراوەکەدا ئەوە روونکراوەتەوە: بە بڕیارى د. ئارام محمد وەزیرى خوێندنى باڵا و توێژینەوەى زانستى بڕی 442 هەزار و 514  دۆلاری ئەمەریکی بۆ 42 چل و دوو دەرچووى بەرنامەی تواناسازی خەرجدەکرێت و دەتوانن لە رۆژى دووشەممەوە بەمەبەستى وەرگرتنى چەکى پارەى شایستەى داراییەکانیان سەردانى وەزارەت بکەن.

ئەوەشخراوەتەڕوو: پاڵپشت بە نوسراوی سەرۆکایەتى ئەنجومەنی وەزیران و وەزارەتى خوێندنى باڵا و توێژینەوەى زانستى ئەو بڕە پارەیە خەرجدەکرێت.

ئاماژەبەوەشدراوە: دەرچوانى تواناسازى ئەوانەى ناویان لە لیستى هاوپێچ هاتوە پێویستە لە رێکەوتى (2025/12/1) بە دواوە سەردانى دیوانى وەزارەتى خوێندنى باڵا و توێژینەوەى زانستى/ بەڕێوەبەرایەتى تواناسازى، بکەن بەمەبەستى وەرگرتنى چەکى پارەى شایستەى دارایى بە پێى لینکى هاوپێچ کە بریتیە لە ناوى سودمەندان.

ئەوەش راگەیەنراوە: دەرچووى تواناسازى پێویستە پاسپۆرت (ئەسڵى و کۆپى) لەگەڵ خۆى بهێنێت و ئەگەر بریکارەکەى ئامادەبوو، ئەوا پێویستە پاسپۆرت (ئەسڵى و کۆپى) کاندید و بریکارنامەکەى (ئەصڵى و کۆپى) لەگەڵ خۆى بهێنێت، هەروەها  رۆژى دووشەممە رێکەوتى (2025/12/1) سەردانى دیوانى وەزارەت/ بەڕێوەبەرایەتى تواناسازى بکەن.

ئەوەش ئاشکرا کراوە: ناوەکان لە زنجیرەى (1) بە ناوى (ئەحمەد خالد عبدالهادى) دەستپێدەکات و لە زنجیرەى (42) بەناوى (دێرین مەحمود رەشید) کۆتایى دێت و  بۆ بینینى لیستى ناوەکان کلیک لەسەر ئەم بەستەرەى بکەن.


PUKMEDIA