بارانبارین هه‌رێمی كوردستان و عیراق ده‌گرێته‌وه‌

BBC

بارانبارین

لە سبەینێوە شەپۆلێکی بارانبارین ناوچەکە دەگرێتەوە و کەشناسێکیش دەڵێت: بە بارانبارینی باش کۆتایی بە پاییز دێت و دەچینە ناو زستانەوە.

کەشناسی عیراق پێشینییەکانی کەشوهەوای بڵاوکردەەوە و رایگەیاند: لەئەمڕۆ شەممەوە جوڵەی هەورەکان زیاد دەکات و ئاسمان نیمچەهەور دەبێت، بە تایبەت لە ناوچەکانی هەرێمی کوردستان و شەوان و دەمەوبەیانیش پلەکانی گەرما روو لە دابەزینی زۆر دەکەن.

بەپێی پێشبینییەکان لە سبەینێ یەکشەممە و دووسبەی دووشەممەدا شەپۆلێکی بارانبارین روو لە ناوچەکە دەکات و کاریگەرییەکەی لەسەر تەواوی هەرێمی کوردستان و بەشێک لە عیراق دەبێت، بارانەکە هەورەبروسکە و رەشەباشی لەگەڵ دەبێت، لە ناوچەشاخاوییەکانیش سەرمای تەواو دەبێت.

کەشناسیی ئاماژەی بەوەشداوە: بەهۆی چالاکیی باوە ئاستی بینین کەمدەبێتەوە.

 هاوکات کەشناس شاڵاو هیدایەت راگەیاند: لەگەڵ چوونە ناو مانگی نوێ کەشوهەوا گۆڕانکاریی تەواوی بەسەردا دێت، بارانێکی زۆر بۆ ئەم مانگە بەڕێوەیە و بەپێی ئاماژەکان، لەدوای سەرەتایەکی وشک و کەمبارانیی لە مانگی 12 بارانێکی زۆر بەڕێوەیە.

PUKMEDIA