ئاسایشی سلێمانی ئەو تۆمەتبارەی دەستگیرکرد کە تەقەی لە ئامۆزاکەی خۆی کرد

PUKMEDIA

دەزگای ئاسایشی هەرێم

بەڕێوەبەرایەتی ئاسایشی پارێزگای سلێمانی، تۆمەتباری ڕووداوی تەقەکردنەکەی نیوەڕۆی دوێنێ شاری سلێمانی و سێ هاوکاری دەستگیرکرد.


بەڕێوەبەرایەتی ئاسایشی پارێزگای سلێمانی لە راگەیەندراوێکدا ئاماژەی بەوەکردووە: دوای ئەوەی ئاگادارکراینەوە لە رووداوێکی تەقەکردن دەستبەجێ لەسەر ڕووداوەکە بەدواداچوون و لێکۆڵینەوەمان دەستپێکرد و بەبڕیاری دادوەری لێکۆڵینەوەی ئاسایش تۆمەتباری تەقەکەری ڕووداوەکە و سێ هاوکاری دەستگیرکران.

لە راگەیەندراوەکەدا باسلەوەشکراوە: لەئێستادا تۆمەتباران بەبڕیاری دادوەری لێکۆڵینەوەی ئاسایش بەماددەی 31-405 دەستگیرکران و لێکۆڵینەوە لەدۆسیەکانیان بەردەوامە.

ئەمەش لەکاتێکدایە بەهۆی کێشەی کۆمەڵایەتیەوە، نیوەڕۆی 22ی 11ی 2025 لەشاری سلێمانی هاوڵاتییەک تەقە لەئامۆزایەکی دەکات و بەسێ فیشەک برینداری دەکات و هەڵدێت.

PUKMEDIA