چوارچێوەی هەماهەنگی سەرۆک وەزیرانی نوێی عیراق دیاریدەکات

PUKMEDIA

چوارچێوەی هەماهەنگی

چوارچێوەی هەماهەنگی دوو لیژنەی بۆ دیاریکردنی سەرۆک وەزیرانی نوێی عیراق و پێکهێنانی حکومەتی داهاتووی عیراق پێککهێنا و دەست بە کۆبوونەوە و دانوستان لەگەڵ تەواوی لایەنەکان دەکەن.

چوارچێوەی هەماهەنگی بڕیاریدا دوو لیژنە پێکبهێندرێت کە کاری یەکیک لە لیژنەکان پێکهێنانی حکومەتی داهاتووی عیراقە و ئەندامەکانی بریتین لە نوری مالیكی- سەرۆكی هاوپەیمانیی دەوڵەتی یاسا، هادی عامری- ئەمینداری گشتیی رێكخراوی بەدر، فالح فەیاز- سەرۆكی هاوپەیمانی عەتا و دەستەی حەشدی شەعبی.

لیژنەی دووەمی چوارچێوەی هەماهەنگی تایبەتە بە پێکهێنانی حکومەتی نوێی عیراق و ئەندامەکانی بریتین لە هومام حەمودی- سەرۆكی ئەنجوومەنی باڵای ئیسلامیی، عەممار حەكیم- سەرۆكی رەوتی حیكمەیە و، عەبدولسادە فرێجی- ئەمینداری گشتیی هاوپەیمانیی نەهجی نیشتمانیی.

پێكهێنانی دوو لیژنەكە دوای ئەوە دێت، شەوی 17ی ئەم مانگە ئەندامانی چوارچێوەی هەماهەنگی كۆبوونەوە و بڕیاریاندا بە پێكهێنانی گەورەترین فراكسیۆنی پەرلەمانی بۆ پێكهێنانی حكومەت.

PUKMEDIA