نرخى ئۆنسەیەک زێڕ لە شەش مانگدا نزیکەی 1000 دۆلار بەرزدەبێتەوە

Live Science

زێڕ

نرخى زێڕ بە ناجێگیرى مایەوە و بەراورد بە شەش مانگى رابردوو نرخى هەر ئۆنسەیەک لە زێڕ نزیکەى هەزار دۆلار زیادى کردووە.

ئەمڕۆ هەینى 14ى11ى2025  نرخی زێڕ لە بازاڕەکانى جیهاندا بە ناجێگیرى مایەوە و لە ئێستادا ئۆنسه‌یه‌ك زێڕ بە بڕى 4174.90 دۆلارە، ئەمە لە کاتێکدا شەش مانگ بەرلەئێستا واتا لە مانگى ئایار نرخى ئۆنسەیەک زێڕ بە بڕى 3231.40 دۆلار بوو.

ناجێگیری نرخی زێڕ بە پلەی یەکەم پەیوەستە بە دۆخی ئابووری و سیاسی جیهانی، کاتێک نادڵنیایی و مەترسییەکانی جەنگ، قەیرانی ئابووری، یان هەڵاوسان زیاد دەکەن، زێڕ وەک سەرمایەیەکی سەلامەت خواستی لەسەر زیاد دەکات و نرخەکەی بەرز دەبێتەوە، هەروەها، سیاسەتی بانکە ناوەندییە گەورەکانى جیهان و گۆڕانکاری لە نرخی سوودا کاریگەری گەورەی هەیە، لەگەڵ ئەمانەشدا، بەهای دۆلار و رێژەی خستنەڕوو و خواست لە بازاڕدا هۆکارێکی دیکەی سەرەکین بۆ گۆڕانکاری و ناجێگیرییەکانی نرخی زێڕ.

هاوکات بۆ ئێستا لە بازاڕەکانی هەرێمی کوردستاندا نرخی زێڕ بەم شێوەیە مامەڵەی پێوەدەکرێت:

زێڕی عەیار 18 به 718 هەزار دینار
زێڕی عەیار 21 به 840 هەزار دینار
زێڕی عەیار 22 به 878 هەزار دینار
 زێڕی عەیار24 به 958 هەزار دینار

PUKMEDIA