پەیامێک لە ناوەندی بانگەشەی یەکێتیی نیشتمانیی کوردستان

PUKMEDIA

لیستی ژمارە 222ی یەکێتیی نیشتمانیی کوردستان

ناوەندی بانگەشەی یەکێتیی نیشتمانیی کوردستان لە پەیامێکیدا رایدەگەیەنێت: پەرتەوازەبوونی دەنگەکانی دەرەوەی پارتی و دروستبوونی چەند ئۆپۆزسیۆنی ساختە و سێبەری پارتی، هۆکاری بەهێز بوونی پارتییە، دەشڵێت: ئەگەر ئەندامی پارتی نەبیت وەک هاووڵاتی پلە دوو سەیر دەکرێیت و جیاوازی لە نێوان هاووڵاتیان و ناوچەکان دەکات، بۆیە داوا دەکات دەنگبدەن بە لیستیی 222ی یەکێتی بۆ دروستکردنی هاوسەنگی لە حوکمڕانی.

دەقی پەیامەکە:

سڵاو و رێزمان بۆتۆی دەنگدەر، دەنگدان بەرپرسیاریەتییەکی گەورەیە بۆ هەموومان، بۆیە تکایە تا کۆتایی بە میهرەبانییەوە لەگەڵمان بە، لەبیرت بێت لیستی 222 لیستی مام جەلال و لیستی خوێنی شەهیدانە، کاتێک چوویتە سەر سندووقی دەنگدان، بیرت بێت پەرتەوازەبوونی دەنگەکانی دەرەوەی پارتی، دروستبوونی چەند ئۆپۆزسیۆنی ساختە و سێبەری پارتی، هۆکاری بەهێز بوونی پارتییە، هەر ئەمەش وایکردووە قۆرخی دەسەڵات بکات و جگە لە ئەندامەکانی خۆی هەناسەیەکیش بۆ کەس بەرەوا نەبینێ، جیاوازی دەکرێت لە نێوان هاووڵاتیان و گوند و ناوچە و شارە جیاوازەکان، پارتی نەبیت وەک هاووڵاتی پلە دوو سەیر دەکرێیت، ئایا تۆ ئەمە بە رەوا دەبینی؟

ئێستا دەرفەتێک هەیە، سەرۆک بافڵ رێبەرایەتی حزبێک دەکات کە یەکدەنگ و یەکئاڕاستە و یەکبۆچوونە، باوەڕی بە یەکسانی و خزمەتی هەمووانە، هەنگاوی زۆر گەورەی ناوە بۆ بەهێز بوونەوەی یەکێتی و راگرتنی سیاسەتی تاکڕەوی پارتی و دروستکردنی هاوسەنگی لە حوکمڕانی،بۆیە دەنگی خۆتان مەدە بەو هێزانەی هیچیان پێناکرێت و ناتوانن جیاوازی دروستبکەن، دەنگتان بکەن بە پاڵپشتی بۆ لیستی 222، چونکە یەکێتی هێزی تۆیە لە هەرێم و بەغداد.

شتێک هەیە پێویستە ئێوەی بەڕێزان بیزانن، لەساڵانی رابردوو دروستبوونی ئەو هێزانەی بەناو و شێوەی جیاجیا هاتنە ناو گۆڕەپانی سیاسی دەرکەوت جگە لە ناهاوسەنگی هێز لە نێوان یەکێتی و پارتی هیچ شتێکیان پێنەبوو، تکایە با نەیارەکانت دەنگی ئێوە بۆ بەرژەوەندی خۆیان بەکارنەهێنن، لە رۆژی 11ی11ی2025 خانەوادە ئازیزەکەت هانبدە بۆ دەنگدان بە لیستی 222ی یەکێتیی نیشتمانیی کوردستان.

PUKMEDIA