سبەی مووچەی مانگێکی خانەنشینانی پێشمەرگە دابەشدەکرێت

PUKMEDIA

دینارى عیراقى

وەزارەتی دارایی و ئابووری رایگەیاند: سبەی پێنجشەممە مووچەی مانگێکی خانەنشینانی پێشمەرگە دابەشدەکرێت.

لە راگەیەنراوێکدا وەزارەتی دارایی و ئابووری ئەمڕۆ چوارشەممە 5ى11ى2025 رایگەیاند: سبەی پێنجشەممە 6ى11ى2025 مووچەی مانگێکی خانەنشینانی پێشمەرگە دابەش دەکرێت، کە لەدواى 1ى1ى2025 خانەنشینبوون و تا ئێستا لەلایەن حکومەتی فیدراڵەوە مووچەکانیان بۆ خەرج نەکراوە.

هەر لە راگەیەنراوەکەدا هاتووە: بەڕێوبەرایەتی خانەنشینی لە وەزارەتی پێشمەرگە و بەڕێوبەرایەتی گشتی خانەنشینی لە وەزارەتی دارایی و ئابووری راسپێردران بە زووترین کات دۆسیەی سەرجەم ئەو پێشمەرگە و ئەفسەر و پلەدارانە تەواوبکەن، کە بڕیاری خانەنشینبونیان بۆ دەرچووە.

PUKMEDIA