قوباد تاڵەبانی: یەکێتی خەون و روئیای گەنجانە

نوسینگەی رۆژنامەوانی قوباد تاڵەبانی

قوباد تاڵەبانی سەرپەرشتیاری بازنەی هەڵبژاردنی هەولێری لیستی 222ی یەکێتی

قوباد تاڵەبانی سەرپەرشتیاری بازنەی هەڵبژاردنی هەولێری لیستی 222ی یەکێتی رایگەیاند: گەنجان بیریان تیژە و زۆر قوڵتر و دوورتر دەڕوانن، ئەگەر کێشەی مووچە و بودجە هەیە، ئەگەر کێشەی دامەزراندن و کێشەی بێکاری هەیە، ئەگەر کێشەی نادادپەروەری و کێشەی جیاوازیدانان لەنێوان خەڵکدا هەیە، گەنجان زۆرباش دەزانن سەرچاوەی ئەو کێشانە چین و کێ دروستی کردوون.

راشیگەیاند: لە کۆبوونەوەم لەگەڵ هەڤاڵانی سێکتەری گەنجانی پارێزگای هەولێر ئاماژەم بەوەدا گەنجان زۆرباش دەزانن کام لایەن کێشەخوڵقێنە و کام لایەنیش دەتوانێت کێشەکان چارەسەر بکات.

قوباد تاڵەبانی سەرپەرشتیاری بازنەی هەڵبژاردنی هەولێری لیستی 222ی یەکێتی ئاماژەی بەوەشکرد، هەروەها زۆرباش دەزانن کام لایەن بە بیری و روحییەتی گەنجانەوە کار دەکات و لە خەمی داهاتووی گەنجاندایە، هەربۆیە داوام لە هەڤاڵان کرد هەتا دەرفەت ماوە لەگەڵ هەموو ئەو گەنجانە بکەونە گفتوگۆوە کە هێشتا بڕیاریان نەداوە بەشداری لە هەڵبژاردندا بکەن و هانیان بدەن بۆ بەشداریکردن و دەنگدان بە یەکێتی، چونکە یەکێتی حیزبی گەنجانە و خەون و روئیای گەنجان، خەون و روئیای یەکێتیشە.

PUKMEDIA