قوباد تاڵەبانی: یەکێتی ڕێگری لەبەرتەسک کردنەوەی ئازادی دەکات

نوسینگەی راگەیاندنی قوباد تاڵەبانی

قوباد تاڵەبانی

قوباد تاڵەبانی، سەرپەرشتیاری بازنەی هەڵبژاردنی هەولێری لیستی ٢٢٢ی یەکێتیی نیشتمانیی کوردستان لە کۆبوونەوەیدا لەگەڵ هەڤاڵانی میدیاکار و کارمەندانی دەزگاکانی راگەیاندن لە پارێزگای هەولێر رایگەیاند: یەکێتی ڕێگری لەبەرتەسک کردنەوەی ئازادی دەکات و وەک چیای سەفین لە پشتی میدیاکاران دەوەستێت.
دەقی راگەیەندراوی کۆبووەنوەی سەرپەرشتیاری بازنەی هەڵبژاردنی لیستی ٢٢٢ لەگەڵ هەڤاڵانی میدیاکار و کارمەندانی دەزگاکانی راگەیاندن لە هەولێر:

سەرۆک مام جەلال زۆر جار دەیوت یەکێتی کە لە فڕۆکە و بۆمب و موشەک ناترسێت، لە رەخنەی رۆژنامەنووس و تەنانەت چەواشەکاری بە پلانی میدیای لایەنی رکابەریش ناترسێت. 

لە کۆبوونەوەم لەگەڵ هەڤاڵانی میدیاکار و کارمەندانی دەزگاکانی راگەیاندن لە پارێزگای هەولێر ئاماژەم بەوەدا راستە لە هەولێر و هەندێک ناوچەی دیکە کاری رۆژنامەوانی ئەرکێکی قورسە، بەڵام هەڤاڵانی میدیاکاری ئێمە ئازایانە ئەرکی خۆیان جێبەجێ دەکەن. دڵنیاشم کردنەوە کە وەک سەرۆک بافڵ لە هەولێر ئاماژەی پێدا یەکێتی وەک چیای سەفین لە پشتی میدیاکاران و هەڤاڵ و کادرانی خۆی رادەوستێت. سوپاسیشم کردن کە لە رووماڵکردنی رووداوی چەند رۆژی لەمەوبەری هێرشکردنەسەر هەڤاڵانمان لە کاتی بانگەشەدا زۆر ئازایانە ئەرکی خۆیان جێبەجێ کرد.

جەختیشم کردەوە کە یەکێتی نەک تەنیا ئازادیی کاری رۆژنامەگەری مسۆگەر کردووە، بەڵکو رێگریش دەکات لەوەی لایەنی دیکە سنووری ئەو ئازادییە بەرتەسک بکاتەوە.


PUKMEDIA