پاش کۆتایی فێستیڤاڵی هەنار لەهەڵەبجە نەوت دابەشدەکرێت

ئاژانسەکان

پرۆسەی دابەشکردنی نەوت

لەدوای ئەوەی فێستیڤاڵی هەنار و پایزی هەڵەبجە بەسەرکەوتوی کۆتایی هات، نەوت و کانزاکانی هەڵەبجە دەستپێکردنی پرۆسەی دابەشکردنی نەوتی سپی لە پارێزگاکە راگەیاند و لەمڕۆوە پرۆسەکە دەستپێدەکات.

بەڕێوەبەرایەتی نەوت و کانزاکانی هەڵەبجە لەراگەیەندراوێکدا کەکۆپیەکی دەست PUKMEDIA کەوتوە رایگەیاند: ئەمڕۆ یەک شەممە 2-11-2025  لەم شوێنانە نەوت دابەش دەکرێت: (گەرەکی شافعی، مزگەوتی مصعب، مزگەوتی عومەری کوری خطاب، قوتابخانەی هەڵەبجەی بنەرەتی، مارکێتی ۱٦/۳، مزگەوتی ئیمام علی، چوار ڕیانی نزیک مزگەوتی شیفاء، نەخۆشخانەی شەهید فاتح، مزگەوتی قوبا، فەرمانبەران، ڤێتەرنەری، مزگەوتی گەیلانی خوار بەنزینخانە کۆنەکە، پشت کتێبخانەی گشتی، مزگەوتی هاوکاری).

هاوکات بەڕێوەبەرایەتی نەوت و کانزاکانی هەڵەبجە هاووڵاتییان دڵنیادەکاتەوە دابەشکردنەکە بەردەوام دەبێت تا تەواوی هاوڵاتییان بەشە نەوتی ئەمساڵ وەردەگرن.

PUKMEDIA