ڕفعەت عەبدوڵا: ئایین نەکرێتە بابەتێکی سیاسی

PUKMEDIA

ڕفعەت عەبدوڵا جێگری سەرۆکی یەکێتی

جێگری سەرۆکی یەکێتی لەپەیامێکیدا لە کۆبونەوەی لەگەڵ مامۆستایان و زایانی ئاینی رایگەیاند: رێزگرتن لەتایبەتمەندی ئایینەکانی دیکەو ئازادییەکانیانی بەپێویستزانی بەشێوەیەک ئایین نەکرێتە بابەتێکی سیاسی و چەواشەکارانە.

هەڤاڵ ڕفعەت عەبدوڵا جێگری سەرۆکی یەکێتیی نیشتمانیی کوردستان، پێشوازی کرد لە(لیستی سەوزی یەکێتیی زانایانی کوردستان)و رایگەیاند؛ زانایان و مامۆستایانی ئاینی لەشۆڕش و ژیانی سیاسی و كۆمەڵایەتی و پتەوكردنی بنەماكانی پێكەوەژیان و خوداناسی لەكوردستان رۆڵێکی گرنگیان بینیووەو هەڵوێستیان لەڕووبەڕووبوونەوەی بیری پەڕگیرانەو توندڕەوی و پشتیوانی دۆزی رەوای گەلەکەماندا بەرزهەڵسەنگاند.

لەدەسپێکدا هەڤاڵ جێگری سەرۆک، بەوردی گوێبیستی سەرنج و بۆچونی زانایان و مامۆستایان بوو، پاشان هەڤاڵ ڕفعەت عەبدوڵا، رێزگرتن لەتایبەتمەندی ئایینەکانی دیکەو ئازادییەکانیانی بەپێویستزانی بەشێوەیەک ئایین نەکرێتە بابەتێکی سیاسی و چەواشەکارانە.

هەڤاڵ جێگری سەرۆکی یەکێتی، هیوای خواست؛ وەک هەمیشە مامۆستایان و زانایانی ئایینی رۆڵی ئەرێنی خۆیان لەپتەوکردنی تەبایی و یەکڕیزی و ئاشتەوایی کۆمەڵایەتی و ناتوندوتیژی و زیاتر بگێڕن کە بەشێکە لەپرەنسیپە راستەقینەکانی ئاینی پیرۆزی ئیسلام.

PUKMEDIA