كارنامەی لیستی 222 ی یەكێتی بۆ سێكتەری خوێندن و پەروەردە و خوێندنی باڵا

PUKMEDIA

لیستی یەکێتیی نیشتمانیی کوردستان ژمارە 222

سیستەمی پەروەردە، خوێندنی باڵا و خوێندن كۆڵەكەیەكی سەرەكییە بۆ بنیاتنانی وڵات. یەكێتیی نیشتمانیی كوردستان وەك حزبێكی پێشكەوتنخواز و نوێخواز كە بڕوای بە سیستەمێكی پەروەردەیی مۆدێرن و گەشەپێدانی بەردەوام (التنمیە المستدامە)هەیە لەو سێكتەرانە بۆ ئایندەیەكی گەش بۆ رۆڵەكانمان، بە ئامانجی بەرزكردنەوەی ئاستی خوێندن و پەروەردە لە هەرێمی كوردستان و سەرانسەری عیراقدا، بە شێوەیەك كە گونجاو بێت لەگەڵ پێداویستییەكانی بازاڕی كار و تەكنەلۆژیای سەردەم. بۆ ئەم مەبەستە یەكێتی:

1-كار بۆ زیادكردنی پشكی خوێندن و پەروەردەی هەرێمی كوردستان لە بودجەی فیدراڵی دەكات، بە شێوەیەك كە دابینكردنی مووچەی مامۆستایان، نۆژەنكردنەوەی قوتابخانەكان، و دابینكردنی پێداویستییەكانی خوێندن مسۆگەر بكات.

2-یەكێتی پشتگیری لە نوێكردنەوەی پڕۆگرامەكانی خوێندن لەسەر ئاستی عیراق دەكات، بە جەختكردنەوە لەسەر بیركردنەوەی رەخنەیی، تەكنەلۆجیا، و پەرەپێدانی توانا زانستییەكان، و دڵنیابوونەوە لە دابینكردنی دەرفەتی یەكسان بۆ خوێندن لە سەرانسەری عیراق، بەتایبەت بۆ ناوچە كەم دەرامەتەكان و ناوچە كێشەلەسەرەكان.

3-یەكێتی جەخت لەسەر ئۆتۆنۆمی زانكۆكان و پەرەپێدانی لێكۆڵینەوەی زانستی، و پەیوەستكردنی خوێندنی باڵا بە پێداویستییەكانی بازاڕی كار دەكاتەوە.

4- یەكێتیی هەوڵ دەدات بۆ پاراستن و پەرەپێدانی خوێندنبە زمانی دایك بۆ پێكهاتەنەتەوەییەكان (وەك كورد، توركمان، سریان)لە چوارچێوەی دەستووردا.

5-هەروەها رێگر دەبێت لەهەموو ئەو هۆكارانەی كە ئەبێتە هۆكاری دواكەوتنی زانست یاخود دەستێوەردان لە زانكۆ و پەیمانگاكان كە بەدەرن لەڕێنماییەكان .

PUKMEDIA