ڕفعەت عەبدوڵڵا: مووچە و گوزەرانی کۆمەڵانی خەڵک داخوازییەکی رەوا و ئەولەویەتی یەکێتییە

نوسینگەی راگەیاندنی جێگری سەرۆکی (ی.ن.ک)

وێنەیەکى کۆبوونەوەکە

لەچوارچێوەی بەسەرکردنەوەی بازنەکانی هەڵبژاردندا،  جێگری سەرۆکی یەکێتیی نیشتمانیی کوردستان، لە دوو کۆبونەوەی فراواندا بەجیا لەگەڵ هەر دوو بازنەی (دووکان و پیرەمەگرون- سورداش) کۆبووەوە، جەختی لە هەڵمەتێکی یەکێتییانە و سەردەمیانە کردەوە و هەڤاڵانی راسپارد لە رۆژی 11ى11ى2025، بەسەرخستنی لیستی  (222ی.ن.ک) سەرکەوتنێکی دیکە لە تۆماری شانازی و سەروەری یەکێتیدا بنوسنەوە.

ڕفعەت عەبدوڵڵا، رایگەیاند: یەکێتی، بۆ خزمەتکردنی کۆمەڵانی خەڵک و دابینکردنی ژیانێکی شایستە بۆ هاووڵاتییان بەبێ جیاوازی خەبات دەکات، لەوبارەیەوە وتی: "مووچە و گوزەرانی کۆمەڵانی خەڵک، داخوازییەکی رەوا و ئەولەویەتی یەکێتییە و لەو پێناوەشدا هەموو هەوڵێکدەدات".

PUKMEDIA