مەکتەبی سکرتاریەت: کۆییەکان هەمیشە بەشێکی دانەبڕاوبوون لە خەبات و تێکۆشان

مەکتەبی سکرتاریەت

مەکتەبی سکرتاریەت تێکۆشەران بەسەردەکەنەوە

رۆژی 29ی10ی2025، مەکتەبی سکرتاریەتی سەرۆک مام جەلال لە شاری کۆیە، سەردانی هەڤاڵان (دلێر حەمەد کەریم و جەعفەر ئەحمەد عوسمان) فەرماندەو تێکۆشەرانی دێرینیان کردو وەفاو پێزانینی یەکێتیی نیشتمانیی کوردستانیان لە پای ئەو خزمەتە پیرۆزەی لەماوەی رابردوودا کردوویانە، پێگەیاندن.

لەو سەردانەدا، مەکتەبی سکرتاریەت رۆڵی هەردوو فەرماندەو پێشمەرگەی دلێرو بەئەمەکی رۆژانی خەبات (دلێر حەمەد و جەعفەر ئەحمەد)یان بەرز نرخاند کە لەماوەی رابردوودا ئازایانە و بێ سڵەمینەوە هەمیشە لە ریزی پێشەوەی مەترسییەکان دژ بە رژێمی بەعسی رووخاو وەستاونەتەوە و ئەرکەکانیان بە ئەمانەتەوە راپەڕاندووەو ببونە نمونەیەکی باڵای خەبات و تێکۆشان، توانیویانە بە ورەی پۆڵاینیان جۆش و خرۆشی زیاتر بەشۆڕش بدەن.

مەکتەبی سکرتاریەت راشیگەیاند؛ کۆیە و کۆییەکان هەمیشە بەشێکی دانەبڕاوبوون لە خەبات و تێکۆشان لەپێناو رزگاری میللەتەکەمان، پالپشتێکی گەورەی یەکێتیی نیشتمانییش بوون لە گشت قۆناغەکاندا.

لای خۆیانەوە هاڤاڵان (دلێر حەمەد و جەعفەر ئەحمەد) رایانگەیاند وەک چۆن لەرابردوودا درێخییان نەکردووە لە خەبات و تێکۆشان لە ڕیزەکانی یەکێتییدا، روونیان کردەوە؛ گرنگە لە ئێستاشدا هەموومان پێکەوە کاربکەین بۆ سەرخستنی لیستی ٢٢٢ ی یەکێتیی نیشتمانیی کوردستان.

PUKMEDIA