شێخ جەعفەر شێخ مستەفا: سەرخستنی لیستی 222 هۆکارێکە بۆ جێبەجێکردنی داخوازییەکانی خەڵکی کوردستان

تایبەت

شێخ جەعفەر شێخ مستەفا و ئاسۆ مامەند

ئەمڕۆ 28ی10ی2025، لە میانەی سەردانەکەیدا بۆ شاری کەرکوک، شێخ جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاکانی یەکێتیی نیشتمانیی کوردستان، سەردانی مەکتەبی سیاسی کرد و لەلایەن ئاسۆ مامەند، سەرپەرشتیاری کەرکوک/ سەڵاحەدینی یەکێتیی نیشتمانیی کوردستانەوە بەگەرمیی پێشوازیکرا.

لەدیدارێکدا کە رێبوار تەها سەرۆکی لیستی یەکێتیی نیشتمانیی کوردستان لە بازنەی کەرکوک و ژمارەیەک لە هەڤاڵانی مەکتەبی سیاسی و سەرکردایەتی ئامادەی بوون، دوا پێشهاتەکانی پەیوەست بە پرۆسەی هەڵبژاردنی ئەنجومەنی نوێنەرانی عیراق و گرنگی و بایەخی بەشداریی بەرفراوانی کۆمەڵانی خەڵک لەو پرۆسە دیموکراسییەدا خرایە بەرباس و گفتوگۆ.

هاوکات جەخت لە زەرورەتی سەرخستنی لیستی 222 ی یەکێتیی نیشتمانیی کوردستان کرایەوە کە دەبێتە هۆکارێکی گرنگ بۆ جێبەجێکردنی  تێڕوانینی ستراتیژیی و خزمەتگوزارییانەی یەکێتی و پاڵپشتیکردنی ئەو داخوازییانەی کە لە بەرژەوەندی کۆمەڵانی خەڵکی کوردستان بەگشتی و دانیشتوانی شاری کەرکوک بەتایبەتی دایە.

PUKMEDIA