قوباد تاڵەبانی: یەکێتییەکی بەهێز واتە کوردستانێکی بەهێز و سەقامگیر

راگەیاندنی قوباد تاڵەبانی

قوباد تاڵەبانی، سەرپەرشتیاری بازنەی هەولێری لیستی 222ی یەکێتیی نیشتمانیی کوردستان

قوباد تاڵەبانی، سەرپەرشتیاری بازنەی هەولێری لیستی 222ی یەکێتیی نیشتمانیی کوردستان بۆ هەڵبژاردنی خولی شەشی ئەنجومەنی نوێنەرانی عیراق، بە ئامادەبوونی فەیسەڵ کەریم خان لە سیدەکان لە دیدارێکیدا لەگەڵ خزم و دۆستانی برادۆست رایگەیاند: ئەم یەکێتییە ئەوەندە بەهێزە کە رێگە نادات غەدر لە هەڤاڵان و جەماوەرەکەی بکرێت ،بۆیە یەکێتییەکی بەهێز واتە کوردستانێکی بەهێز و سەقامگیر.

قوباد تاڵەبانی لەمیانەی دیدارەکەدا ئاماژەی بەوەکرد: هۆزی برادۆست وەک زۆرێک لە هۆزەکانی دیکە رۆڵێکی گەورەیان هەبووە لە پاراستنی خاکی کوردستان و شوناسی کوردبوونمان.
دووپاتیشی کردەوە: نەوەکانی خانی لەپ زێڕین و پاڵەوانانی قەڵای دمدم سیمبولێکی گەورەی ئازایەتیی کوردن و هەردەم سەلماندوویانە کە دەمرن بەڵام سەردانانەوێنن.

 سەرپەرشتیاری بازنەی هەولێری لیستی 222ی یەکێتیی نیشتمانیی کوردستان  ئاماژەی بەوەشکرد: پەیوەندیی مێژوویی نێوان جەنابی سەرۆک مام جەلال و میری میران کەریم خانی برادۆستم بیرهێنایەوە کە چۆن لە یەکەم رۆژی دەستپێکی شۆڕشی نوێی گەلەکەمان ئەو پەیوەندییە پتەوە دروست بوو و تا ئێستاش بەردەوامە.

قوباد تاڵەبانی دووپاتی کردەوە: یەکێتی ساڵی 2025 زۆر جیاوازە لە یەکێتییەکەی پێش دە ساڵ، ئەم یەکێتییە ئەوەندە بەهێزە کە رێگە نادات غەدر لە هەڤاڵان و جەماوەرەکەی بکرێت و تا بە دەنگی خەڵک بەهێزتریش بێت، باشتر و کاریگەرتر رووبەڕووی غەدر و ناحەقی دەبێتەوە.

لە کۆتایشدا داوای لێکردن لەم ماوەیەدا تا دەتوانن خەڵکە زویربووەکەی یەکێتی ئاشت بکەنەوە و دەنگی زیاتر بۆ یەکێتی کۆبکەنەوە، چونکە یەکێتییەکی بەهێز واتە کوردستانێکی بەهێز و سەقامگیر.

PUKMEDIA