ڕفعەت عەبدوڵا: بەنەخشەڕێگایەکی نوێ و دیدگایەکی نیشتمانیانە دەچینە بەغداد

PUKMEDIA

جێگری سەرۆکی یەکێتی لە پێنجوێن و سەیدسادق

لەچوارچێوەی بەسەرکردنەوەی بازنەکانی هەڵبژاردندا، جێگری سەرۆکی یەکێتیی نیشتمانیی کوردستان، سەردانی پێنجوێنی هەمیشە سەوزو سەیدسادقی کردوو لەدوو کۆبونەوەی فراواندا لەگەڵ بازنەکانی (پێنجوێن، گەرمک، ناڵپارێز)و (سەیدسادق-بەرزنجە، سورێن) کۆبووەوە ستایشی چالاکی و جێبەجێکردنی ئەرکەکانی بانگەشەی هەڵبژاردنی کردوو هەڤاڵانی راسپارد لەڕۆژی 11-11-2025 سندوقەکانی دەنگدان بەلیستی (222ی، ی.ن.ک) سەوز پۆش بکەن.

لەکۆبونەوەکاندا کەهەڤاڵان عومەری حاجی ئەحمەدو دلاوەری حاجی عوسمان ئامادەیبوون، ڕفعەت عەبدوڵا، رایگەیاند: یەکێتی، پۆلێک پێشمەرگەی زرنگ و وریای کاندید کردووە بۆ ئەم خولەی ئەنجومەنی نوێنەرانی عیراق، هەتا شەڕی مافە دەستوری و یاساییەکانی هەرێم بکەن و داکۆکیکارێکی سەرسەختبن لەشایستەو مافەڕەواکانی میللەتەکەمان.

وتیشی: بەسەرۆکایەتی هەڤاڵ بافڵ، بەنەخشە رێگایەکی نوێ و دیدگایەکی نیشتمانیانە، بۆ جێبەجێکردنی ئەرکە سەختەکان و بەدەستهێنانی مافی رەوای گەلەکەمان دەچینە بەغداد. 

PUKMEDIA