قوباد تاڵەبانی: خەڵکی هەولێر پێگەی یەکێتی لەبەغداد بەهێزتر بکەن

راگەیاندنی قوباد تاڵەبانی

قوباد تاڵەبانی لە بانگەشەی لیستی 222

قوباد تاڵەبانی رایگەیاند: یەکێتی ئەگەر ژمارەی کورسییەکانی زیاد بکات دەبێت چەندە بەهێزتر و کاریگەرتر کار بۆ چارەسەری کێشەکان بکات، ئەوەی لە بەغداد دەتوانێت و دەیەوێت کێشەکان چارەسەر بکات، یەکێتییە و بەس.

قوباد تاڵەبانی لەپەڕەی تایبەتی خۆی لە فەیسبوک رایگەیاندووە: دوێنێ سەرۆک بافڵ لە کۆیە راستییەکی روونکردەوە کە وتی یەکێتی لە چەند ساڵی رابردوودا بە 18 کورسییەوە، بە تەنها قورسایی و پێگەی لە هەموو لایەنەکانی دیکە زیاتر بوو و کاری زیاتری کرد، ئەی ئەگەر ئەمجارەیان ژمارەی کورسییەکان زۆر زیاتر بکات، دەبێت یەکێتی چەندە بەهێزتر و کاریگەرتر کار بۆ چارەسەری کێشەکان بکات.

وتوشیەتی: لە کۆبوونەوەم لەگەڵ هەڤاڵانی بازنەی 12ی عەنکاوە و کوران رامگەیاند، پێویستە خەڵکی ناڕازیی هەولێر و یەکێتییەکان لەم هەڵبژاردنەدا پێگەی یەکێتی لە بەغداد بەهێزتر بکەن، هەڤاڵانی یەکێتی لەم دوو هەفتەیەدا هەوڵ بدەن زۆرترین خەڵک هان بدەن بۆ دەنگدان بە یەکێتی، چونکە بە راستی ئەوەی لە بەغداد دەتوانێت و دەیەوێت کێشەکان چارەسەر بکات، یەکێتییە و بەس.

PUKMEDIA