لیژنەی چاودێریی هەڵبژاردنەكانی یەكێتی: دروشمی واقیعی و هەنگاوی ستراتیژیمان هەڵگرتووە

PUKMEDIA

كۆبوونەوەی لیژنەی باڵای چاودێری یەكێتی بۆ هەڵبژاردنی ئەنجوومەنی نوێنەرانی عیراق

ئەمڕۆ 25ی 10ی2025، لە بارەگای مەكتەبی سیاسی یەكێتی لە سلێمانی، بە سەرپەرشتی سەركەوت زەكی، ئەندامی مەكتەبی سیاسی و بە ئامادەبوونی سالار سەرحەد، ئەندامی ئەنجوومەنی سەركردایەتی، كۆبوونەوەی لیژنەی باڵای چاودێری یەكێتی بۆ هەڵبژاردنی ئەنجوومەنی نوێنەرانی عیراق ئەنجامدرا.

لە كۆبوونەوەكە سەركەوت زەكی ئەندامی مەكتەبی سیاسی رایگەیاند: بە گەشبینییەوە لە هەڵمەتی بانگەشەی هەڵبژاردن دەڕوانین و زۆرترین هەوڵەكان بۆ ئەوەیە ئەو بەربژێرانە بچنە ئەنجوومەنی نوێنەرانی عیراق كە متمانەی كۆمەڵانی خەڵكی كوردستان بە دەستدەهێنن و خزمەت بە دۆزی رەوای گەلی كورد دەكەن، ئاماژەی بۆ ئەوەشكرد، دەبێت كۆمەڵانی خەڵكی كوردستان دەنگ بەو لیستە بدەن كە ئاڕاستەی گۆڕانكاری لە ژیان و قوتی خەڵكی و پارێزگاری لە مافە دەستوریەكانی گەلی كورد دەكەن و درێژە پێدەری رێبازی (سەرۆك مام جەلال)ن، بۆ پاراستنی پڕەنسیپی  ئاشتی و پێكەوەژیان لە نێوان سەرجەم پێكهاتەكانی گەلانی عیراق دا.

هەڤاڵ سەركەوت زەكی رایگەیاند: جیاواز لە پرۆسەكانی رابردوو، رۆڵی چاودێرەكانی (ی.ن.ك) لە هەڵبژاردن، ئەوە دەردەخەن كە پرۆسەی چاودێریكردن بۆ بانگەشەی هەڵبژاردن بە ئاراستەی رێكخستنی پرۆسەی هەڵمەتی بانگەشەی هەڵبژاردن دەڕوات، كە دروشمێكی واقعیمان بەرزكردۆتەوە، بە شێوەیەك كە هەڵمەتی هۆشیار كردنەوەی دەنگدەران بە مافە سیاسییەكانیان لە خۆدەگرێت.

لایخۆشیانەوە هەڤاڵانی بەشداربوو ئاماژەیان بۆ ئەوەكرد، ئەم هەڵبژاردنە پێویستی بە دەستەبەركردنی كەشوهەوایەكی ئارام و سەقامگیر هەیە و ئەوەش بە دووركەتنەوە دەبێت لە گوتاری پڕ لە ر‌ق و كینە، و رشتبوونە بە كلتوری دیموكراسی و بردنەوەی هەڵبژاردن و باڵادەستبوونی هێزێكی مەدەنیی وەك حزبەكەی سەرۆك مام جەلالە لە عیراق و هەرێمی كوردستاندا.


PUKMEDIA