عیماد ئەحمەد: هێزی یەکێتی لە جەماوەرەکەیەتی

PUKMEDIA

عیماد ئەحمەد ئەحمەد لێپرسراوی مەکتەبی راگەیاندن و هۆشیاری

عیماد ئەحمەد ئەندامی مەکتەبی سیاسی و لێپرسراوی مەکتەبی راگەیاندن و هۆشیاری سەردانی بازنەی هەڵبژاردنی ئازادی کرد و رایگەیاند:  سیاسەت و واقیع بینی یەکێتی بۆ رووداوەکان وای کرد وەک هێزێکی کاریگەر ، رۆڵی میحوەریی و یەکلاکەرەوە لە بەغداد بگێڕێت و کێشەکانیش بە ویست و بەرژەوەندی خەڵکەکەمان یەکلایی بکاتەوە .

لەمیانی سەردانەکەدا هەڤاڵ عیماد ئەحمەد وێڕای دەست خۆشی و دەربڕینی پێزانین بۆ هەڤاڵان و کادرانی دڵسۆزی و بەوەفای یەکێتی کە دڵسۆزانە لە بازنە جیاجیاکان لە شارو شارۆچکەکان لە کاردان بۆ سەرخستنی لیستی 222ی یەکێتی ،و  دووپاتی لە پابەندبوون بە سیاسەتی خزمەتکردنی خەڵک و چەسپاندنی بنەمای هاوبەشێتی کردەوە بۆ بەڕێوەبردنی وڵات و رایگەیاند: یەکێتی لە هەموو قۆناغەکاندا هێزو سەنگی خەڵکی کوردستان بووە لە بەغدا و بە زمانی چەپکە گوڵەکەی سەرۆک مام جەلال سیاسەتی کردوە و هەر سازشکردنێکی کردبێت لەسەر بەرژەوەندی حزبی بووە نەک بەرژەوەندی و مافەکانی کوردستان ، بۆیە هەر ئەمە وایکرد یەکێتی ببێتە هێزی یەکلاکردنەوەی کێشەکان و چارەسەرکردنی قەیرانەکان و بێتە پارێزەری راستەقینەی بەدیهێنای خواستەکانی هاووڵاتیان .

عیماد ئەحمەد وتیشی : دڵنیابن ئەوەی سەرۆک و سەرکردایەتی یەکێتی دەیڵێین جێبەجێی دەکەین و بە بەرنامەو روئیایەکی نیشتمانیی و بەرپرسیارانەوە لەئاست قۆناغەکەو داوای خەڵکی خۆماندا دەبین ، بۆیە ئەرکی هەموومانە ، بە تایبەت ئەوانەی دەربەستن بە باشترکردنی ژیان و گوزەرانی خەڵک کار بکەین بۆ سەرخستنی لیستی 222ی یەکێتی ، چونکە سەرکەوتنی یەکێتی و بەدەستهێنانی  زۆرترین دەنگ لە ناوەند  زامنی قووت و بژێوی خەڵکەکەمانە .

PUKMEDIA