قوباد تاڵەبانی: یەکێتی بۆ پاراستن و بەهێزکردنەوەی کوردستان لە بەغدادە

راگەیاندنی قوباد تاڵەبانی

قوباد تاڵەبانی

قوباد تاڵەبانی رایگەیاند: ئەو لێکتێگەیشتن و رێککەوتنەی ئێستا لەنێوان هەرێم و بەغداد هەیە بۆ ناردنی مووچە، دەرەنجامی هەوڵ و گفتوگۆ بەردەوامەکانی سەرۆک بافڵە لە بەغداد. 

قوباد تاڵەبانی لە هەڵمەتی بانگەشەی هەڵبژاردن بۆ لیستی 222ی یەکێتی لە کەسنەزان وتی: تێدەگەین کە لە رووی سیاسییەوە ناتوانن دانی پێدابنێن، بەڵام هەر هەموو لایەنەکان دەزانن ئەو لێکتێگەیشتن و رێککەوتنەی ئێستا لەنێوان هەرێم و بەغداد هەیە بۆ ناردنی مووچە، دەرەنجامی هەوڵ و گفتوگۆ بەردەوامەکانی سەرۆک بافڵە لە بەغداد.  

ئەوەشی وت: لە کۆبوونەوەم لەگەڵ هەڤاڵانی بازنەی 10ی کەسنەزان رامگەیاند لایەنە عیراقییەکان بە ئاشكرا باسی دەکەن کە سەرۆک بافڵ رێک هەمان رێچکەی سەرۆک مام جەلالی گرتووەتەبەر و دەیەوێت کێشەکانی خەڵکی کوردستان لە بەغدادوە چارەسەر بکات.

راشیگەیاند: یەکێتی و سەرۆک بافڵ لە سێ ساڵی رابردوودا زۆر هەنگاوی گەورەیان ناوە و متمانە و زەمینەی باشیان رەخساندووە بۆ چارەسەری بنەڕەتیی کێشەکان، هەربۆیە لەم هەڵبژاردنەدا زۆر گرنگە پێگەی یەکێتی بەهێزتر بکرێت تا بە دەستێکی پڕ و هێزێکی زیاترەوە هەنگاوبنێین بەرەو رێککەوتنی کۆتایی، یەکێتی بۆ پاراستن و بەهێزکردنەوەی کوردستان لە بەغدادە.

PUKMEDIA