قوباد تاڵەبانی: تەنها یەكێتی مافی خەڵكی كوردستان لەبەغداد دەپارێزێت

نوسینگەی راگەیاندنی قوباد تاڵەبانی

قوباد تاڵەبانی، سەرپەرشتیاری بازنەی هەولێری لیستی 222

قوباد تاڵەبانی، لە كۆبوونەوەی لەگەڵ هەڤاڵانی بازنەی 6ی ئازادیی هەولێر رایگەیاند: یەكێتی لە دوای 2003 ەوە بەرگریكار و دابینكەری مافەكانی خەڵكی كوردستان بووە لە بەغداد، لە ئێستاشدا تەنها یەكێتییە دەتوانێت مافەكانی خەڵكی كوردستان لە بەغداد بپارێزێت.

قوباد تاڵەبانی، سەرپەرشتیاری بازنەی هەولێری لیستی 222ی یەكێتیی نیشتمانیی كوردستان، رایگەیاند: بژاردەی دروست بۆ دەنگدەر لە هەر هەڵبژاردنێكدا، دەنگ دانە بە لایەنێك كە بەهێز و كاریگەر و حیساب بۆكراو بێت، لە بڕیارە گرنگ و چارەنووسسازەكاندا رۆڵی كاریگەر و یەكلاكەرەوە ببینێت. بەشێكی گرنگی ویست و داواكارییەكانی خەڵكی پێ جێبەجێ بكرێت و بە كردار سەلماندبێتی كە هەوڵی بۆ داوە و هەوڵی زیاتریشی بۆ دەدات.ئەمەش تەنیا بە یەكێتی دەكرێت.

ئەوەشی خستەڕوو: لە كۆبوونەوەم لەگەڵ هەڤاڵانی بازنەی 6ی ئازادیی هەولێر روونم كردەوە یەكێتی لە دوای 2003 ەوە زیاتر لە هەر لایەنی دیكە بەرگریكار و دابینكەری مافەكانی خەڵكی كوردستان بووە لە بەغداد، لە ئێستاشدا تەنها یەكێتییە بەپێی سەنگ و پێگە و ئەزموونە دەوڵەمەندەكەیەوە دەتوانێت مافەكانی خەڵكی كوردستان لە بەغداد بپارێزێت.

PUKMEDIA