خێرایی با زیاتر دەبێت

PUKMEDIA

کەشوهەوا

بەڕێوەبەرایەتی گشتی كەشناسی و بومەلەرزەزانی كەشی پێشبینیكراوی 48 سەعاتی داهاتووی راگەیاند و بەپێی راگەیەنراوەكە، خێرایی با زیاتر دەبێت و ئەگەری بەرزبوونەوەی تۆزوخۆڵ هەیە.

بەڕێوەبەرایەتی گشتی كەشناسی و بومەلەرزەزانی لە راگەیەندراوێكدا بڵاویكردەوە: ئەمڕۆ دووشەممە   13ی 10ی 2025، ئاسمان پەڵەهەور دەبێت و لە ناوچە شاخاوییەكان نیمچە هەور دەبێت و پلەكانی گەرما 1 بۆ 2 پلە بەرزدەبنەوە، هاوكات خێرایی با بۆ سەرووی 20 كم  لە سەعاتێكدا زیاد دەكات، هەندێك كات لەئەنجامی زیادبوونی خێرای با ئەگەری بەرزبوونەوەی تۆزوخۆڵ هەیە لە هەندێك ناوچەی سنووری پارێزگای هەولێر و پارێزگای كەركوك و بەشێك لە ئیدارەی گەرمیان.

ئاماژەی بەوەشكردووە: سبەی سێشەممە  14ی 10ی 2025، ئاسمان ساماڵ دەبێت خێرایی با كەمدەبێتەوە.

هاوكات پلەكانی گەرما بەم شێوەیەدەبن:

هەولێر : 31 پلەی سیلیزی
سلێمانی : 30پلەی سیلیزی
دهۆك : 30پلەی سیلیزی
زاخۆ  : 32پلەی سیلیزی
ئامێدی : 28پلەی سیلیزی
ئاكرێ : 30پلەی سیلیزی
كەركوك : 32پلەی سیلیزی 
هەڵەبجە : 29پلەی سیلیزی
سۆران : 31پلەی سیلیزی
حاجی ئۆمەران : 22پلەی سیلیزی
گەرمیان : 36پلەی سیلیزی

PUKMEDIA