راهێنانی کارمەندانی سەر سندوقەکانی دەنگدان دەستپێدەکات

PUKMEDIA

کۆمسیۆنی باڵای سەربەخۆی هەڵبژاردنەکانی عیراق

زیاتر لە یەک ملیۆن کارتی بایۆمەتری دەنگدان بەسەر دەنگدەراندا دابەشکراوەو کۆمسیۆن ئامادەکاری تەواوی کردووە بۆ راهێنان بە کارمەندانی سەر سندوقەکانی دەنگدان ، وتەبێژی کۆمسیۆنیش دەڵێت: کۆمسیۆن بە تەواوی ئامادەیە بۆ ئەنجامدانی هەڵبژاردن لە وادەی خۆیدا.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە PUKMEDIA ی راگەیاند: زیاتر لە یەک ملیۆن کارتی بایۆمەترییان لە رێگەی زیاتر لە هەزار ناوەندی تۆمارکردنەوە لە سەرجەم پارێزگاکاندا دابەش کردووە.

وتیشی: لە چەند رۆژی داهاتوودا خولەکانی راهێنانی کارمەندانی سەر سندوقەکانی دەنگدان دەستپێدەکات بۆ ئامادەکردنیان لەسەر رێکارەکانی دەنگدان و بەکارهێنانی ئامێرەکانی هەڵبژاردن.

جەختیشیکردەوە: کۆمسیۆن بە تەواوی ئامادەیە بۆ ئەنجامدانی هەڵبژاردن لە وادەی دیاریکراویدا بەبێ هیچ دواخستن یان گۆڕانکارییەک لە خشتەی کاتیدا.

ئەمەش لەکاتێکدایە دوێنێ کۆمسیۆنی سەربەخۆی هەڵبژاردنەکان رایگەیاند، تیمی گەڕۆکیان رەوانەکردووە بۆ گەیاندنی کارتی بایۆمێتری بە هاوڵاتیان لە ماڵەکانیاندا.

سەرۆکی تیمی راگەیاندنی کۆمسیۆنیش رایگەیاند: رێکاری وەرگرتنەوەی کارت ئاسانکراوە و یەک ئەندامی خێزان دەتوانێت کارتی سەرجەم ئەندامەکانی دیکەی خێزانەکەی وەربگرێتەوە.

 بەگوێرەی ئامارەکانیش، بەرزترین رێژەی وەرگرتنەوەی کارت لە پارێزگاکانی بەغدا و دهۆک تۆمارکراون، کەڕێژەی 44%ە.

PUKMEDIA