شایستەی شەش مانگی مۆڵەتی کۆکراوەی خانەنشیان خەرج دەکرێت

PUKMEDIA

مووچەی فەرمانبەران

شایستەی شەش مانگی مۆڵەتی کۆکراوەی خانەنشیان خەرج دەکرێت و وەزارەتی دارایش رایدەگەیەنێت:" بەشێوازی قۆناغ بە قۆناغ لەسەر داهاتی ناوخۆ دابەش دەکرێت".

وەزارەتی دارایی و ئابووری هەرێمی کوردستان لە راگەیەندراوێکیدا ئاماژەی بەوەکردووە: بەپێی بڕیای ئەنجومەنی وەزیران و لەسەر فەرمانی وەزیری دارایی و ئابووری، ڕۆژی چوارشەممە 8ی10ی2025 شایستەی شەش مانگی مۆڵەتی کۆکراوەی سەرجەم ئەو خانەنشینانە بەشێوازی قۆناغ بە قۆناغ دابەش دەکرێت، کەلەسەرەتای ئەمساڵەوە بڕیاری خانەنشینبونیان بۆ دەرکراوە و تا ئێستا ئەو شایستەیەیان وەرنەگرتووە.

وەزارەتی دارایی ئاماژەی بەوەشکردووە: چەند جارێک بەنوسراوی رەسمی داوا لە وەزارەتی دارایی حکومەتی فیدراڵ کراوە ئەو شایستەیەی خانەنشینانی هەرێمی کوردستان هاوشێوەی هاوتاکانیان لە پارێزگاکانی تری عیراق خەرج بکات، بەڵام تا ئێستا ڕەزامەندی لەسەر نەداوە، بۆیە بڕیاردرا سەرجەم ئەو شایستانە لەسەر داهاتی ناوخۆی هەرێمی کوردستان خەرج بکرێت.

PUKMEDIA